ஹாலிவூட் பார்வை

We have Moved

2010-08-27T18:30:00.002+05:30

Sorry but this blog has been moved to http://hollywood.mayuonline.com

See ya guys there :)

The Wolfman (2010)

2010-02-20T19:05:00.005+05:30

ஏதோ கடவுள் புண்ணியத்தில் இப்போது சில ஹொலிவூட் திரைப்படங்கள் வெளியாகி சில நாட்களிளோ வாரங்களிலோ இலங்கையிலும் வெளியாகத் தொடங்கியிருக்கின்றது. பெருமளவில் திரைப்படங்கள் வெளியாவதில்லை என்றாலும் ஓரளவு எதிர்பார்ப்புள்ள பேசப்படும் திரைப்படங்களை வெளியிடத் தொடங்கியுள்ளார்கள். அந்தவகையில் இன்று கொழும்பு மஜெஸ்டிக் சினிமாவில் பார்த்து களித்த திரைப்படம்தான் இந்த The Wolfman. 1930 கள் மற்றும் 40 துகளில் யூனிவர்சல் சூடூடியோ காரர்கள் பல திகில் திரைப்படங்களை எடுத்து தள்ளினார்கள். அவ்வப்போது அந்த திரைப்படங்களை இக்காலத்திற்கேற்றவாறு மீளாக்கம் செய்து வருகின்றார்கள் இதற்கு உதாரணமாக மம்மி போன்ற திரைப்படங்களைக் கூறலாம். The wolfman திரைப்படம் முறையே 1966 மற்றும் 1941இல் அமெரிக்காவில் வெளியாகி இருந்தாலும் மீள 2010ல் திரைப்படம் மீளாக்கம் செய்யப்பட்டு யூனிவர்சல் ஸ்டூடியோவால் வெளியிடப்பட்டுள்ளது.

கதைக் களம் 1890ல் நடப்பதாக காட்டப்பட்டுள்ளது. ஏதோ ஒருவகை மிருகத்தினால் தம்பி கொலை செய்யபட்ட கதையைக் கேட்டு இங்கிலாந்தில் இருந்து அமெரிக்கா திரும்புகின்றார் அண்ணன் லோரன்ஸ். மீள வீடு திரும்பும் மகனை வரவேற்கின்றார் ஒரு மாதிரியான போக்குடை தந்தையார் (Anthony Hopkins).

தம்பி கொலையில் ஈடுபட்ட மிருகம் பற்றிய துப்புத் துலக்கலில் ஈடு படப்போய் கடைசியில் ஓநாய் உருவுடைய மிருகத்தினால் கடிபடுகின்றார் நம்ம நாயகன். இவ்வாறாக ஒநாய் உருவுடைய மிருகத்தினால் கடிபட்டால் என்னவாகும் என்பது நாங்கள் அறிந்ததுதானே. அடுத்த பௌர்ணமியில் அவரும் ஒநாயாக மாறுவார்.

ஓநாய் பிடிக்கப்போனவர் கடைசில் ஒநாயாகி மனிதவேட்டை நடத்துகின்றார். பின்னர் பொலிசார் இவரை மடக்கிப் பிடிக்கின்றனர்.

ஒரு ஓநாய் மனிதன் இந்ந லோரண்ஸ் மற்ற ஒநாய் மனிதன் யார் எனபதே கதை. அந்த ஒநாயை பழிவாங்குகின்றாரா நம்ம நாயகன் என்பது மிகுதிக் கதை.

லோரண்ஸாக போட்டரிக்கா நாட்டு நடிகர் Benicio Del Toro நடிக்கின்றார். நடிப்பு என்று பெரிதாக அவர் கிழிக்கவில்லை ஆனால் அவர் அந்த ஒநாய் பாத்திரத்திற்கு அப்படியே நச்சென்று பொருந்துகின்றார். ஆனால் மறுபக்கத்தில் அந்தனி ஹோப்கிங்ஸ் தனக்கு வழங்கப்பட்ட நேரத்தில் பிய்த்து உதறுகின்றார். ஏற்கனவே இவரின் ஹனிபல் திரைப்படம் பார்த்திருந்தால் தெரியும் அண்ணர் எப்படியான வில்லதனமான வில்லங்க நடிகர் என்பது.

நிச்சயமாக இந்த திரைப்படம் எதிர்பார்ப்பைப் பூர்த்தி செய்யவில்லை ஆயினும் அசல் பார்ப்பதைவிட நம்பி திரையரங்கு சென்று பார்க்கலாம்.

My Rating: 50/100
IMDB Rating: 66/100

Yes Man (2008) விமர்சனம்

2010-02-15T23:08:00.003+05:30

நடிகர் ஜிம் காரியின் திரைப்படங்களை நம்மில் பலரும் பார்த்து இரசித்திருப்போம். குறிப்பாக The Mask போன்ற திரைப்படங்களை மறநிதிருக்க வாய்ப்பேயில்லை. அவரின் ஒரு திரைப்படமே இந்த யெஸ் மான் எனும் திரைப்படம். விவாகரத்துப் பெற்று வாழ்க்கை வெறுத்து இருக்கும் ஒரு சிங்கிள் ஆடவனைச் சுற்றியே இந்தக் கதை அமைந்திருக்கின்றது. வாழ்க்கையில் வெறுப்பு அடைந்து இருப்பவர்கள் பார்த்து இரசிக்க வேண்டிய ஒரு திரைப்படம்.

நகைச்சுவை என்ற பெயரில் அறுவைப் படங்களை எடுப்பதில் ஹொலிவூட்டிற்கு நிகர் ஹொலிவூட்டே (எங்கள் விசய் மற்றும் அசித் போன்றவர்கள் அக்சன் படம் எடுத்து அது காமெடிப் படம் ஆவது வேறு விடையம்). அந்த வரிசையில் சேர்ந்து விடாமல் தனித்து நிற்கின்றது இந்த திரைப்படம். பெரிய எதிர் பார்ப்புகளுடன் இந்த திரைப்படத்தைப் பார்க்க ஆரம்பிக்காவிட்டாலும் போக போக திரைப்படத்துடன் ஒட்டிவிட்டேன்.

வாழ்க்கை வெறுத்துப் போய் சமூகத்துடன் ஒட்டாமல் ஒட்டாண்டியாக வாழ்ந்து வருகின்றார் ஜிம் கரி. வங்கியொன்றில் பணி புரியும் ஜிம் கரி (கால்) தனது பணியில் கூட பெரிதாக மிளிராமல் இருக்கின்றார். இந்த வேளையில் அவரின் வாழ்க்கையில் நடக்கும் ஒரு நிகழ்வுதான் "Yes Man" எனும் ஒரு நிகழ்ச்சித் தொடரில் இணைந்து கொள்வதாகும்.

இந்த நிகழ்ச்சித் தொடரில் இணைந்து கொண்டபின்னர் வாழ்க்கையில் வரும் அனைத்து வாய்ப்புகளுக்கும் "ஆம்" என்று சொல்லவேண்டும் என்பதே கட்டுப்பாடு. அளவிற்கு மிஞ்சினால் அமுதமும் நஞ்சாகும் என்பது நமக்குத் தெரிந்த கதை தானே?? ஆனால் ஜிம் கரி எதையும் அசண்டை செய்யாமல் ஆம் ஆம் என்று வாழ்க்கையை ஓட்டுகின்றார்.

இந்த ஆம் ஆம் பழக்கம் ஆரம்பத்தில் ஆகா ஓஹோ என்று வேலை செய்கின்றது. அழகான ஒரு காதலியைக் கூடத் தேடிக் கொடுகின்றது. ஆனால் மிகுதி என்ன ஆனது?? டிவிடில பாருங்க.. ஹி.. ஹ.. ;)

அனைவரும் பார்த்து இரசிக்க வேண்டிய திரைப்படம். முடிவில் கொஞ்சம் மசாலா கலந்து இருந்ததைக் காணக்கூடியதாக் இருந்தது ஆனால் திரைப்படம் அருமையாக இருந்தது.

ஜிம் கரி நகைச்சுவைத் திணைக்களத்தை வாடகைக்கு எடுத்து மொக்கை மொக்கையாகப் போட்டுத் தாக்குகின்றார். சில இடங்களில் காமெடி என்று கடியாக இருந்தாலும் பெரும்பாலும் நல்ல நகைச்சுவையாகவே திரைப்படம் நகர்கின்றது.

My Rating 70/100
IMDB 70/100

Zombieland (2009)

2010-01-20T21:40:00.003+05:30

இந்த சொம்பி (Zombie) என்ற எண்ணக்கருவை வைத்துப் பல திகல் திரைப்படங்கள் வெளிவந்தன. அவற்றில் Rsident Evil, The Legend போன்ற திரைப்படங்களைப் பார்த்திருப்பீர்கள். அவற்றில் வரும் அதே சொம்பிகள்தான் இந்த திரைப்படத்திலும் ஆனால் ஒரு வித்தாயாசம், நான் அறித்தவரை இதுதான் சொம்பிகளை வைத்து எடுத்த முதலாவது காமடித் திரைப்படம். காமடித் திரைப்படமா, இல்லை திகில் திரைப்படமா என்று யோசித்துக் கொண்டிருக்கையிலே திரைப்படம் கல கலவென்று முடிந்துவிடுகின்றது.

வழமைபோல ஹொலிவூட் பாலா சொல்கின்ற கனடாவில் தொடங்கி மெக்சிக்கோவில் முடிகின்ற உலகத்தில் இருக்கும் மானிடர்கள் பலரும் சொம்பி தாக்குதலில் தாங்களும் சொம்பி ஆகிவிட எஞ்சியிருக்கும் சில மானிடர்களின் சிரிப்புச் சாகசமே இந்தத் திரைப்படம்.

Columbus என்று ஒரு பொடியன் அவனுக்கு எதைக் கண்டாலும் பயம். அதிலும் கோமாளியைக் கண்டால் இன்னும் பயம். ஆமாம், தேனாலி கமல் மாதிரி. அதனால் சொம்பித் தாக்குதலில் இருந்து தப்பிக்க தனக்கு தானே பல விதிகளை வகுத்துக்கொள்கின்றான். உதாரணமாக காரில் ஏறும் போது பின் ஆசனத்தில் சொம்பி இருக்கின்றதா என்று பார்த்தல், இரண்டுக்குப் போகும் போது கையில் துப்பாக்கியுடன் இருத்தல், முதல் தடவை சொம்பியை சுட்டாலும் இரண்டாம் தடவையும் மண்டையை குறிபார்த்துச் சுடதல் போன்றவையடக்கம். அதைவிட எப்போதும் ஹீரோவாக ரை பண்ணாதே என்கிறதும் ஒரு முக்கியமான விதிமுறை.

இந்த கொலம்பஸ் தன் தாய் தந்தையர் இருக்கும் அமெரிக்காவின் கிழக்குத் திசை நோக்கிப் பயனிக்கின்றான், அவனுடன் இணையும் எதற்கும் அஞ்சா ஒரு மனிதன் மற்றும் திருட்டு தண்டா செய்யும் 2 பெண்கள்.

அப்புறம் அந்த திருட்டுத் தண்டா செய்யும் ஒரு பெண்ணுடன் நம்மவர் காதலில் விழுவார் என்பதையும் நான் சொல்லியா உங்குளுக்குத் தெரியவேண்டும்.

இவர்கள் எவ்வாறு ஒருத்தருக்கு ஒருவர் அறிமுகம் ஆகின்றார்கள், இவர்களின் பயனம் போன்றவற்றை மையப்படுத்தி கதை மிகுதி நகர்கின்றது.

IMDB: 79/100
Mayu: 50/100

அவதார் கோல்டன் குளோப் விருதையும் தட்டியது

2010-01-18T20:53:00.004+05:30

அவதார் காய்ச்சல் உலகம் எங்கும் குறைந்தபாடே இல்லை. தொடர்ந்தும் அரங்கம் நிறைந்த காட்சிகளாக உலகமெங்கும் ஓடிக்கொண்டிருக்கின்றது. ஏன் வேட்டைக்காரன் கூட ஓடுகின்றது தானே? என்று நீங்கள் கேட்கலாம்..ஆனால் வெறும் தியட்டரில் படம் ஓட்டுவதற்கும் மக்கள் நிறைந்த தியட்டரில் படம் ஓட்டுவதற்கும் வித்தியாசம் உண்டல்லவா??

கோல்டன் குளோப் விருதைத் தொட்டால் அனேகம் ஆஸ்கார் விருதுகளையும் எட்டிவிடலாம் என்பது பல காலமாக நடந்துவரும் விடையம்தான். தற்போது கோல்டன் குளோப் விருதை அவதார் தட்டிச்சென்றுவிட்டது.

இன்று நடந்த நிகழ்வில் அதைவிட இயக்குனர் ஜேம்ஸ் கமரோனுக்கு சிறந்த இயக்குனருக்கான கௌரவமும் வழங்கப்பட்டுள்ளது.

Avatar asks us to see that everything is connected, all human beings to each other, and us to the Earth. And if you have to go four and a half light years to another, made-up planet to appreciate this miracle of the world that we have right here, well, you know what, that's the wonder of cinema right there, that's the magic,'

என்று கூறி தனது விருதினை ஏற்றுக்கொண்டார்.

ஆஸ்கார் வெற்றிக் கனிகளை அவதார் பறிக்குமா என்று பொறுத்திருந்துதான் பார்க்கவேண்டும். கமரோனின் டைட்டானிக் திரைப்படம் 1998ல் 11 ஆஸ்கார் விருதுகளைத் தட்டிச்சென்றதையும் இங்கே குறிப்பிடவேண்டும்.

வசூலிலும் விரைவில் டைட்டானிக்கின் வசூலை எட்டிப்பிடித்துவிடுவதாக அவதார் மிரட்டிக்கொண்டுள்ளது. ஐந்து வாரங்களாக தொடர்ந்து அமெரிக்க பாக்ஸ் ஆபீசில் அவதார் திரைப்படம் முன்நிலையில் உள்ளது.

அவதார் பாகம் II விரைவில்

2010-01-10T21:38:00.005+05:30

உலகம் எங்கும் சக்கைபோடும் அவதார் திரைப்படம் பற்றி நமது வலையுலக நண்பர்கள் பதிவிட்டு பிய்த்து மேய்ந்துவிட்டதால் அந்த முயற்சியில் இறங்க அடியேன் முயற்சிக்கவில்லை. ஆயினும் இன்றுதான் அடியேனுக்கு அவதார் திரையரங்கில் பார்க்கும் வாய்ப்பு கிடைத்தது. டிசம்பர் 23ம் திகதியே கொழும்பில் அவதார் வெளியிடப்பட்டு வைக்கப்பட்டாலும் சன நெருக்கடி காரணமாக இன்றுதான் சென்று பார்க்க கிடைத்தது.

ஒரு மணி நேரத்திற்கும் மேலாக காய்க்கும் வெயிலில் நின்றுதான் திரைப்படம் பார்க்கவேண்டியிருந்தது. கொழும்பின் மேட்டுக்குடிகளும் காய்ச்சும் வெயிலிலும் காத்து நின்று திரைப்படம் பார்த்தது வியப்பாக இருந்தது. திடீர் என்று எங்கோ இருந்து முளைத்த சிறிய பொண்ணு ஒன்று "So you all wanna see some freaky aliens..huh?" என்று நீண்டு நெளிந்து வளைந்து சென்ற வரிசையைப் பார்த்து சொல்லிக்கொண்டு சென்றது.

அட சரி அதை விடுங்க மாட்டருக்கு வாங்க. அவதார் படம் வெளியிடப்படும் போது அவதார் 3 பாகங்களை எடுக்குமளவிற்கு தன்னிடம் கதையிருப்பதாக ஜேம்ஸ் கமரோன் தெரிவித்திருந்தார் ஆயினும் அப்போது அந்த திரைப்படம் எப்படி ஓடப்போகின்றது என்பதெல்லாம் தெரிந்திருக்கவில்லை. இன்றய தேதியில் அவதார் திரைப்படம் வசூலை அநியாயத்திற்கு அள்ளிவாரிவிட்டது (சுமார் $1,131,752464).

இந்த வேளையில் ஜேம்ஸ் கமரோன் "Yes, there'll be another." என்று நான்கு வார்த்தையில் பல இரசிகர்கள் வயிற்றில் பால் வார்த்துவிட்டார்.

அடுத்த பாகத்தில் கதை என்னவாக இருக்கும் என்று அமெரிக்க தொலைக்காட்சிகளும் வலைத்தளங்களும் யோசிக்கத் தொடங்கியுள்ளன. இதில் சிலர் அடுத்த பாகம் பன்டோராவைவிட்டு அதன் வெளியே நடக்கும் என்று கூறியுள்ளனர். குறிப்பாக பண்டோராவின் சந்திரன்களின் நடைபெறலாம் என்று கூறுகின்றனர்.

சிலர் கருத்து தெரிவிக்கையில், முதலாம் பாகத்தில் மரத்தில் வாழும் நாவி இனத்தவரைத்தான் இந்த திரைப்படத்தில் காட்டுகின்றார்கள். ஆனாலும் இறுதி யுத்தத்தில் பல உள்ளூர் நாவி இனத்தவர்கள் ஒன்றினைகின்றனர். உதாரணமாக குதிரை வீரர்கள், பறவைகளில் பறந்து வரும் இனம் என்று பல இருக்கின்றனர். இவர்களின் உள்ளூர் அரசியல் என்ன போன்றவை பற்றி பாகம் ஒன்றில் குறிப்பிடப்படவில்லை ஆகவே இது பற்றி இரண்டாம் பாகத்தில் மேலும் கூறப்படும் என்று எதிர்பார்க்கப்பட்டுள்ளது.

இதைவிட தோற்று ஓடிய மனித குலமும் RDA வும் மீள பண்டோராவிற்கு வரலாம். அவர்கள் நாவி இனம் மீது தொடுத்த போரின் நோக்கமே அங்கிருக்கும் சில கணிமங்களைத் திருடவே. அதைப் பெற படை பெருக்கிக்கொண்டு மீள மனிதர்கள் வந்து நாவிகளைத் தாக்கலாம்.

எது எப்படியோ இனி ஜேம்ஸ் கமரோன் விட்ட வழியேதான். அவர் என்ன செய்து காட்டப்போகின்றார் என்று பொறுத்திருந்து பார்க்க வேண்டியதுதான்.

I loved the first film and I hope the sequel will be just as good.

The Other Man (2008) விமர்சனம்

2009-09-26T21:17:00.004+05:30

மணமான நபர்களின் கள்ளக்காதல் வெளித் தொடர்புகளை வைத்து பல திரைப்படங்கள் இது வரை ஆங்கில சினிமாவில் வெளிவந்துள்ளது. Unfaithful போன்ற திரைப்படங்கள் இவற்றில் பிரபலமாக பேசப்பட்ட திரைப்படங்கள். The Other Man திரைப்படக் கதையும் இது சம்பந்தப் பட்டதே. மனைவியின் கடந்த காலம் பற்றி அறிய கிடைக்கும் கணவன் மணம் உடைந்து அந்த பழைய கள்ளக் காதலனைத் தேடுவதே கதை.

ஒரு நாள் தன் மனைவியின் செல்பேசிக்கு வரும் Voice Mail இல் ஆரம்பித்து email, password protected folder வரை சென்று மனைவியின் கள்ள உறவு பற்றி அறிந்து கொள்கின்றான் கணவன். பின்னர் அந்த நபர் யார் என்று அறியும் நோக்கில் மனைவி போல மின்னஞ்சலுக்கு பதில் போட்டு அவன் இருக்கும் இடம் சென்று அந்த நபரை சந்திக்கின்றார் கணவர்.

திரைப்படம் முடியும் போது வழமைபோல ஒரு அதிர்ச்சியான தகவலைச் சொல்கின்றார்கள். அதை கேட்டதும் அட பாவமே என்று மனம் குழைகின்றது.

Liam Neeson இந்த திரைப்படத்தில் கணவன் பாத்திரத்தில் நடிக்கின்றார். முன்னாள் கள்ளக் காதலன் பாத்திரத்தில் Antonio Banderas நடிக்கின்றார். Liam Neeson நல்ல ஒரு நடிகர்தான் இவரை நீங்கள் Taken, Batman Begins போன்ற திரைப்படங்களில் பாத்திருக்கலாம்.

Antonio Banderas நீங்கள் பார்த்து இரசித்த ஷிரேக் திரைப்படத்தில் வரும் Puss in the boot பாத்திரத்திற்கு குரல் கொடுத்திருந்தார். Puss in the boot என்றே ஒரு திரைப்படம் எதிர்காலத்தில் வர உள்ளது. அதற்கும் இவரே குரல் கொடுக்கவுள்ளார்.

வழைமையான பழைய மொந்தையில் புதிய கள். கண்டிப்பாக இது வயது வந்தோரிற்கான திரைப்படம்.

RATING 65/100

Corpse Bride (2005) விமர்சனம்

2009-09-25T22:24:00.004+05:30

திருமணத்திற்கு நிச்சயம் செய்தாகிவிட்டது. ஆனால் இப்போது தேவாலயத்தில் அருட் தந்தை முன்னால் ஒத்திகை பார்க்கவேண்டும். அங்கேதான் நம்ம ஹீரோ வீக்!. ஒத்திகையில் தாறுமாறாக சொதப்பும் இந்த ஹீரோ வெட்டவெளியில் பனி மூட்டத்தில் மூடுபனியில் ஒரு மரக்கொப்பில் மோதிரத்தைப் போட்டு தன் திருமண ஒத்திகையை நடத்துகின்றார். இங்கேதான் காரியம் கெட்டு குட்டிச்சுவரானது. மரக்கொப்பென்று நினைத்து அவர் மோதிரத்தைப் போட்டது ஒரு இறந்த பெண்ணின் எலும்புக்கூட்டு விரலுக்கு. ப்பூ...! இப்ப செத்த சவம் எழும்பி வந்துட்டுதுங்கோ!

Johnny Depp கதையின் நாயகனுக்கு குரல் கொடுத்திருந்த காரணத்தால் இந்த திரைப்படத்தை நான் பார்த்தேன். ஆனாலும் இந்த அனிமேசன் திரைப்படம் என்னை ஏமாற்றவில்லை. அருமையான கதையமைப்பு, வசனங்கள், காட்சியமைப்புகள் என்று அற்புதமான திரைக்காவியம்.

முன்பு ஒரு ஆணால் ஏமாற்றப்பட்டு இறந்துபோன ஒரு மணப்பெண் தற்செயலாக நம் ஹீரோவிற்கு மனைவியாகிவிட நம் ஹீரோவை இழுத்துக்கொண்டு இந்த பேய்ப் பெண் தம் பேய் உலகத்திற்கு சென்றுவிடுகின்றாள். அங்கே நம் மனித நாயகனுடன் புதிய வாழ்க்கை ஒன்றை ஆரம்பிக்க நினைக்கின்றாள்.

இதேவேளை தன் அருமை காதலியைப் பிரிந்து வாடும் காதலன் மீள அவளுடன் சேர முயற்சிக்கின்றான். இவர்கள் சேர்ந்தார்களா இல்லை நம் ஹீரோ ஜீரோவாகி இறுதிவிரை பேய் பெண்ணுடன் வாழ்க்கை நடத்தினாரா என்பதை DVD இல் பார்த்து அறிந்து கொள்ளுங்கள்.

திரைப்படத்தில் மற்றுமொரு சிறப்பான அம்சம் இசை. ஓபேரா ரக இசையை இரசிப்பவர்கள் நிச்சயமாக இந்த திரைப்படத்துடன் காதல் கொள்வர். அதைவிட நாயகியின் உணர்வுகள் அவர் பியானோ வாசிப்பதன் மூலம் காட்டுவார்கள். ஆஹா.. அருமை. வேட்டைக் காரன்கள் எல்லாரும் எப்ப இப்படி சிந்திப்பார்களோ???

இது ஒரு நாடோடிக் கதையை மையமாக கொண்டு எழுதிய திரைப்படமாம். நீங்களும் அந்த நாடோடிக் கதையை வாசித்துப் பார்க்கலாம்.

அருமையான அனிமேசன் திரைப்படம் ஒன்றைப் பார்க்க வேண்டும் என்று நினைத்தால் இந்த திரைப்படத்தைக் கட்டாயம் பாருங்கள். குடும்பத்துடன் பார்த்து இரசிக்க கூடிய திரைப்படம்.

RATING : 85/100

புல்லட்டின் அறிவுறுத்தலுக்கு ஏற்ப இப் பதிவில் இருந்து ரேட்டிங் முறமையும் அறிமுகப் படுத்தப்படுகின்றது.

Knowing (2009) விமர்சனம்

2009-09-21T19:22:00.002+05:30

கலிகாலம் முற்றி கிருஷ்ணன் குதிரையில் வந்து உலகை அழித்து செல்வார் என்று இந்து சமயமும். நோவா பேளை பற்றி பைபிளும் சொன்ன கதையை தற்காலத்தில் நடப்பது போல ஹொலிவூட் பாணியில் இயக்குனர் Alex Proyas காட்டியுள்ளார். ஆரம்பத்தில் மெல்ல மெல்ல ஆரம்பித்து சூடுபிடித்து கதிரை நுனியில் உட்காரும் போது டபுக்கென்று திரைப்படம் முடிந்துபோய் விடுகின்றது.

அன்று
1959ல் ஒரு பாடசாலையில் 50 வருடத்தின் பின்னர் உலகம் எவ்வாறு இருக்கும் என்பதை கற்பனை செய்து வரையுமாறு கூறுகின்றார் ஒரு ஆசிரியர். இந்த படங்களை ஒரு சின்ன இரும்பு டப்பாவில் இட்டுப் பூட்டி 50 ஆண்டுகளின் பின்னர் 2009ல் திறப்பதாக திட்டம். எல்லாச் சிறுவர்களும் பல்வகையான சித்திரங்களை வரையும் போது ஒரு சிறுமி மட்டும் அடுக்கடுக்காக சில இலக்கங்களை எழுதுகின்றார். பட படப்பாக எந்நேரமும் காணப்படும் அவர் காதுக்குள் எந்நேரமும் ஏதோ இரைச்சலாகவும் பேசுவதும் போல சத்தம்.

இன்று
MIT இல் பேராசிரியராக இருக்கும் John Koestler (Nicolas Cage) இன் மகன் அதே பாடசாலையில் கல்வி கற்கின்றார். 50 ஆண்டுகளின் பின்னர் அந்த சின்ன இரும்பு டப்பா உடைக்கப்பட்டு அதனுள் இருக்கும் சித்திரங்கள் உறைகளில் இட்டு அங்கு படிக்கும் மாணவர்களிடன் பள்ளி நிர்வாகம் வழங்குகின்றது.

இந்த சின்னப்பையன் கையில் வந்து கிடைப்பதோ அந்த இலக்கங்கள் கொண்ட கடதாசி.

இதன் பின்னர் விடாது சனி என்று விதி இவர்களை துரத்தோ துரத்து என்று துரத்துகின்றது. இந்த இலக்கங்களின் பின்னால் இருக்கும் மர்மத்தை பேராசிரியர் யோன் மெல்ல மெல்ல கழற்றுகின்றார். இதனால் நிலமை மேலும் சிக்கலாகின்றது.

மொத்த மனித இனமுமே அழிவின் விளிம்பிற்கு வருகைதருகின்றது. இதில் இருந்து மானிடம் மீண்டதா வீழ்ததா என்பது மிகுதிக் கதை.

மெல்ல ஆரம்பிக்கும் படம் மெதுவாக சூடேறி அப்படியே பட பட என்று கதிரை நுனிக்கு அழைத்துவருகின்றது. முடிவு ஏதோ சொதப்பல் போல இருந்தாலும் இதைவிட நல்ல ஒரு முடிவு இந்த திரைப்படத்திற்கு கொடுப்பதும் கடினம் என்பதை ஏற்றுக்கொள்ளத்தான் வேண்டும்.

Nicolas Cage இனதும் அவரது மகனாக நடிக்கும் சிறுவனினதும் நடிப்பு அபாரம். இயக்குனர் பற்றிச் சொல்லத் தேவையில்லை தானே. iRobot எனும் திரைப்படத்தை வில் ஸ்மித்தை வைத்து எடுத்து உலகத்தை உச் கொட்ட வைத்தவர்.

திரைப்படத்தில் பிரமாண்டம் விண்ணளவு உள்ளது. குறிப்பாக விமானம் விபத்துக்ககுள்ளாகும் காட்சி, இரயில் விபத்துக்குள்ளாகும் காட்சி என்பன.

பார்க்க திரைப்படம் ஒன்று தேடுபவர்கள் இந்த திரைப்படத்தைப் பார்க்கலாம். குடும்பமாக உட்கார்ந்து நடுங்கி நடுங்கி இந்த திரைப்படத்தைப் பார்க்கலாம்.

DISTRICT 9 விமர்சனம்

2009-09-10T02:04:00.002+05:30

வேற்றுக் கிரக வாசிகள் பூமிக்கு வந்து பூமியில் வதியும் கோமாளிகள் மனிதருடன் அடிபிடிப் படுவதாக ஆயிரத்தெட்டு திரைப்படங்களை ஹொலிவூட் காரங்கள் எடுத்திருப்பார்கள். அந்த வரிசையில் ஆயிரத்தொன்பதாவது திரைப்படம் இது. பூமியில் ஒரு கூட்ட வேற்றுக் கிரகவாசிகள் அடைக்கலம் புகுகின்றார்கள். அவர்கள் பல்கிப் பெருகி மனிதர்களுக்குப் பெரும் இடையூறாக விரைவில் மாறிவிடுகின்றார்கள். இந்த வேற்றுக் கிரக வாசிகளை கட்டுப்படுத்த மனிதர்கள் எடுக்கும் முயற்சி பற்றியே இந்தக் கதை விரிகின்றது. வழமையான பூச்சுத்தல்களுக்கும் குறைவில்லை.

தென் ஆபிரிக்காவின் யோகன்னஸ்பேர்க நகரத்தின் மீது ஒருநாள் ஒரு விண்வெளிக் கலம் தரித்து நிற்கின்றது. அந்த கலம் நகராமல் அப்படியே நிற்பதுடன் அதன் கட்டளைப் பகுதி கீழே விழுந்து விட்டதாகவும் தகவல்கள் கசிகின்றன (என்ன விஜய் படமாக இருக்கும் எண்டு பயப்பிடுறியளோ?). முதலில் சிறிது குழப்பம் அடையும் மனித குலம் விழுந்தடித்து தனது ஒரு அணியினை ஆராய்வதற்காக சம்பவ இடத்திற்கு அனுப்புகின்றனர்.

பெரிதாக டிஷூம் டிஷூம் ஒன்று எதிர்பார்ப்பவர்கள் இந்த இடத்தில் ஏமாந்து போவர் ஏன் எனில் உள்ளே செல்லும் அணியினர் உணவில்லாம் வாடியிருக்கும் வேற்றுக் கிரகவாசிகள் கும்பலைக் காண்கின்றனர்.

இந்த வேற்றுக் கிரகவாசிகளை தத்தெடுக்கும் அரசு அவர்களை ஒரு முகாமில் தங்கவைக்கின்றது. இந்த முகாமின் பெயர்தான் District 9. விரைவிலேயே இந்த முகாம் ஒரு குப்பம் ஆகிவிடுகின்றது. பீற்றர் ஜக்சன் Slum dog Millionaire திரைப்படம் பார்த்தாரோ தெரியாது இப்படியாக வேற்றுக் கிரகவாசிகள் வாழும் இடம் குப்பம் ஆகிவிட்டதாக கூறுகின்றார்.

வேற்றுக் கிரகவாசிகளின் அட்டகாசம் நாளுக்கு நாள் ஜோகன்னஸ்பேர்க் நகரத்தில் கூட கூட அதனால் நகர வாசிகள் மிக வெறுப்படைகின்றனர். நகர மக்களின் எதிர்ப்பு கூடவே வேற்றுக் கிரகவாசிகளை நகரில் இருந்து 240 கி.மீ தூரத்தில் உள்ள வேறு ஒரு முகாமிற்கு இடம் மாற்றும் முயற்சிகள் தொடங்குகின்றது. இந்த இடம் மாற்றும் முயற்சியை Multinational United (MNU) எனும் தரியார் இராணுவப் பாதுகாப்பு நிறுவனம் பொறுப்பேற்கின்றது.

இங்கேதான் எங்கள் ஹீரோவான Wikus van de Merwe அறிமுகம் ஆகின்றார். காற்றில் பறந்துவந்தோ அல்லது சப்பாத்தைக் காட்டி டெனிமை காட்டி அப்புறம் முகத்தைக் காட்டியோ ஹீரோ அறிமுகம் நடக்கவில்லை.

இதற்குப் பிறகு என்னாச்சு என்பதை வெள்ளித்திரையிலே டிவிடியிலோ, டொரண்ட் புண்ணியத்திலயோ பார்த்து கொள்ளுங்கள்

திரைப்படத்தில் கணிசமான பகுதி ஒரு கையடக்க கமிராவில் எடுப்பது போலவும் பதிவாகின்றது. இந்த கையடக்க கமிராவில் எடுப்பதாக காட்டும் காட்சிகள் குளோவர்பீல்ட் எனும் திரைப்படத்தை ஞாபகம் ஊட்டுகின்றது.

திரைப்படம் தொடங்கியதில் இருந்து மெல்ல மெல்ல கதை சூடுபிடிக்கத் தொடங்குகின்றது. தறிகெட்டுத் திரியும் வேற்றுக் கிரகவாசிகள் மத்தியில் புத்திக்கூர்மையுடன் சில வேற்றுக்கிரக வாசிகள் இருப்பதாயும் காட்டியுள்ளார்கள். அதைவிட மனிதனில் கெட்ட குணம் பிறகு நல்ல குணம் என்று அந்தப் பக்கத்தாலும் கதை சிறிது நகர்ந்து கொள்கின்றது.

கடுமையான வன்முறைக் காட்சிகள் நிறைந்திருப்பதால் சிறுவர்களுக்கு ஏற்றபடம் என்று நினைக்கவில்லை.

மகா மட்டம் என்று இந்த திரைப்படத்தை விமர்சனம் செய்யும் மக்குகளை எதுவும் செய்ய முடியாது. ஆனால் எல்லாரும் இம்மாதிரியான Sci-fi திரைப்படங்களை விரும்பிப் பார்க்க வேண்டும் என்று எதிர்பார்ப்பதும் முட்டாள்தனம்.

Transformers: Revenge of the Fallen

2009-07-26T20:31:00.005+05:30

ட்ரான்ஸ்பாமர்ஸ் முதலாம் பாகம் வெளிவந்து சக்கைபோடு போட்டவிடவே இருக்க முடியாத காரணத்தால் ஹாலிவூட் கூட்டம் ஒன்றுசேர்ந்து எடுத்துத் தள்ளிய திரைப்படம்தான் இந்த ட்ரான்ஸ்போமர்ஸ்: Revenge of the Fallen.

வேற்று கிரகம் ஒன்றில் இருக்கும் இயந்திர மனிதர்களின் யுத்தம் பூமிக்கு இழுத்துவரப்படுவதுதான் முதலாம் பாகத்தின் கதை. முதலாம் பாகத்தில் கெட்ட இயந்திர மனிதர்களை நல்ல இயந்திர மனிதர்கள் அழிப்பதுடன் முடிகின்றது. அத்துடன் மனிதர்களின் இந்த கோளில் நல்ல இயந்திரமனிதர்களான ஓடோபொட்ஸ் தங்கிவிடுகின்றனர். அடுத்த யுத்தம் விரைவில் தொடங்கும் என்று முதலாம் பாகம் முடிந்துவிட்டது. இந்நிலையில்தான் இன்று கொழும்பு மஜஸ்டிக் சிட்டி திரையரங்கில்போய் உட்கார்ந்தேன்.

பல ஆயிரம் ஆண்டுகளுக்கு முன்பு பூமிக்கு வரும் இயந்திரங்கள் நட்சத்திரங்களில் இருந்து சக்தியை உறிஞ்சி, இயந்திர மனிதர்களை உருவாக்கும் ஓல்ஸ்பார்க்கிற்கு சக்தியூட்ட முனைகின்றனர். அதற்கு ஒரு இயந்திரம், அந்த இயந்திரத்தை இயக்க ஒரு திறப்பு. ஆனாலும் அதை இயக்க முடியாமல் முடக்கப்படுகின்றார் போலன் எனப்படும் இயந்திர மனிதன். இதற்காக பழிவாங்கும் நோக்குடன் தக்க தருணத்திற்காக காத்திருக்கின்றான் வில்லன்.

மறுமுனையில் கல்லூரி செல்லத்தயாராகும் எங்கள் நாயகனும் அவரின் மெக்கானிக் காதலியும் ஒரே உம்மா.. உம்மா... ;)

Image by Getty Images via Daylife

மனிதர்களுடன் ஒரணியில் நின்று கெட்ட இயந்திர மனிதர்களுக்கு எதிராகப் போராடுகின்றன ஒப்டிமஸ் பிரைம் தலைமயிலான இயந்திரமனிதர்கள். இப்படியான இயந்திர மனிதர்களை கையாள NEST எனும் அமைப்பையும் உருவாக்குகின்றனர். விண்வெளியில் இருக்கும் விண்வெளிக் கலத்தை Hack செய்து அதில் மூலமாக NEST இன் இரகசிய தகவல்களை அறிந்துகொண்டு, இறந்த கெட்ட இயந்திர மனிதன் மக்கட்டோரனை உயிர்ப்பூட்டுகின்றனர் கெட்ட இயந்திரங்கள். இவனை முதலாம் பாகத்தின் முடிவில் ஒப்டிமஸ் பிரைம், சாம்மின் உதவியுடன் கொலைசெய்கின்றார்.

அப்பாடியோவ் என்ன தலை சுத்துதா??? அம்புட்டு பெரிய பூமாலை சுத்தினாங்களே ;)

ஷங்காய் நகரில் நடக்கும் அதிரடித் தாக்குதல் தொடக்கம் இறுதிக் காட்சியில் எகிப்தில் நடக்கும் இறுதி யுத்தம் வரை பல பல வில்லங்கமாக பூச்சுத்தல்கள். நல்ல இயந்திரங்கள் எகிப்தில் பிரமிட்டுக்கருகில் தமது Last Stand ஐ ஏற்படுத்துவது அருமை. நல்ல இயந்திரங்களும் கெட்ட இயந்திரங்களும் மோதும் காட்சிகள் கதிரை நுனியில் உட்கார வைக்கின்றது.

நம்ம ஹீரோ சாம்மை பிடிக்க முயலும் கெட்ட இயந்திரங்களிடம் இருந்து சாமை நல்ல இயந்திரங்கள் காப்பாற்றினாலும் ஒப்டிமஸ் பிரைம் எனும் தலைவர் இயந்திரம் இறந்துவிடுகின்றது.

இப்படியே கதை இழுத்து இழுத்து எகிப்திற்குச் செல்கின்றது. பல நூற்றாண்டுகளுக்கு முன்னர் உருவான நட்சத்திரங்களின் சக்தியை உறிஞ்சக்கூடிய இயந்திரைத்தை சுற்றி எழுப்ப பட்டதுதான் இந்த பிரமிட்டுகளாம். அதை உயிர்ப்பூட்ட துடிக்கும் வில்லனும் அதை நிறுத்த முயலும் நாயகன் சாம், அமெரிக்கப் படையினர், நல்ல இயந்திர மனிதர்கள் (ஓட்டோபொட்ஸ்) என்று கதை நீள்கின்றது.

பூம்.. பூம்.. என்று திரைப்படம் தொடங்கியதில் இருந்து ஒரே சத்தம்தான். பல திரைவிமர்சகர்களும் இந்த திரைப்படத்தை வலம் இடம் என்று வாங்கியிருந்தாலும், சாதாரமான பொழுதுபோக்கு திரைப்படம் இது என்றுசொல்வேன். நீங்கள் ட்ரான்ஸ்போமர்ஸ் விசிறியாக இருந்தால் கட்டாயம் பாருங்கள். ;).

அப்படியே இந்த பாட்டையும் கேட்டுஇரசித்துவிட்டுச் செல்லுங்கள்.

ஹரிபாட்டர் 6ம் பாகம் இறுதியில் வெளியாகின்றது

2009-07-08T17:45:00.002+05:30

கடந்த வருடமே வெளியாகியிருக்க வேண்டிய திரைப்படம் (Harry Potter and the Half-Blood Prince) கடைசியாக இம்மாதம் வெளிவர உள்ளது. இன்று நடிகர்கள் பிருத்தானியாவில் சிவப்பு கம்பள நாடகத்தை நடத்தி முடித்தனர். கொட்டும் மழையிலும் பல்லாயிரக்கணக்கான இரசிகர்கள் திரண்டு தம் சந்தோஷத்தை தெரிவித்தனர்.

திரைப்பட வரிசையில் ஆறாம் திரைப்படமான இந்த திரைப்படம் ஜே.கே.ராவ்லிங்கின் புத்தகத்தைத் தழுவி திரைப்படம் ஆக்கப்பட்டுள்ளது.

ஐரோப்பாவில் ஜூலை 15ம் திகதியும் வட அமெரிக்கா மற்றும் ஜப்பானில் இரண்டு நாட்கள் கழித்தும் இந்த திரைப்படம் வெளியிடப்படவுள்ளது.

அனைவராலும் பேசப்படும் ரான் வீஸ்லி கதாபாத்திரத்தில் நடிக்கும் Rupert Grint பன்றிக் காய்ச்சலுக்கு ஆளானபோதும் அதில் இருந்து மீண்டுவந்து இரசிகர்களை மகிழ்வித்தார். "Swine flu is nothing really, I found out. It's just like normal flu, it's just that you are in bed for a while,"என்று பீலா கூட விட்டுள்ளார்.

வழமைபோல இலங்கையில் இந்த திரைப்படம் வெளியாகும் என்று நான் நினைக்கவேயில்லை. திருட்டு டிவிடிதான் தஞ்சம் ;)

Night at the Museum: Battle of the Smithsonian (2009)

2009-06-28T23:34:00.004+05:30

கடந்த சனிக்கிழமை நேரம் வேலை ஒன்றும் இல்லாமல் போகவே Liberty Cinemaவில் கிரகப் பிரவேசம் செய்ய முடிவுசெய்தேன். முதலில் அங்கே Start Trek திரைப்படம் ஒடுவதாக நினைத்தேன். போய்ப் பார்த்த பின்னர்தான் தெரிந்தது அங்கே நைட் அட் த மியூசியம் ஒடுது என்று. ஏற்கனவே முதலாம் பாகம் பார்த்திருந்தமையால் இந்த பாகத்திலும் ஓரளவு நம்பிக்கை இருந்தது.

Larry Daley ஒரு முன்னாள் அருங்காட்சியக காவலாளி. இப்போது டார்ச் லைட்டுவிற்கும் ஒரு சேல்ஸ் ரெப் ஆகிட்டார் ;). ஒரு நாள் மீள தான் பணிபுரிந்தஅருங்காட்சியத்துக்குச் செல்லும் போது அங்கே இருந்து பொருட்களைஅப்புறப்படுத்துவதைக் காண்கின்றார். இவை அனைத்தும் வேஷிங்டன் டி.சியில் உள்ள அமெரிக்காவின் மிகப்பெரிய அருங்காட்சியத்திற்கு மாற்றப்படுவதைகேள்விப்பட்டு அலறியடிக்கின்றார். அங்கிருந்து எவ்வாறு இந்தஅரும்பொருட்களை மீட்டு தனது பழைய அருங்காட்சியத்திற்கு கொண்டு வருகின்றார் என்பதுதான் மிகுதிக் கதை.

முதல் பாகத்தை நீங்கள் பார்த்திருக்காவிட்டால் மேல் உள்ள குறிப்பை வாசித்து தலைகாய்திருப்பீர்கள். அரும்பொருட்களை மாற்றும் செய்தியறிந்து அவர் அலறியதற்கு காரணம், இரவானால் அந்த அருங்காட்சியத்தில் உள்ள பொருட்கள் உயிர்பெற்று எழுந்துவிடும் என்பதே.

அருங்காட்சியத்தில் இருக்கும் ஒரு பழைய தங்கத் தகடு இரவானதும் அருங்காட்சியத்தில் இருக்கும் அனைத்துப் பொருட்களுக்கும் உயிரூட்டிவிடிகின்றது. இப்போது இந்தப் பொருட்கள் உலகின் பெரிய அருங்காட்சியகத்திற்குச் சென்றால் அங்குள்ள பொருட்கள் எல்லாம் உயிர்பெற்றுவிடுமல்லவா???

எப்படியோ Larry Daley எல்லையை மீறி வோஷிங்டன் செல்லுகின்றது அருங்காட்சியப் பொருட்கள். அவற்றை மீட்க அவர்களுடன் பின்னாலேயே Larry Daley ம் போய்ச்சேர்ந்து கடும் சிக்கல்களில் மாட்டிக்கொள்கின்றார்.

இதற்குமேலே நான் கதையை சொல்லப்போவதில்லை. முதலாம் பாகத்துடன் ஒப்பிடும் போது இந்தப் பாகம் அவ்வளவு விறுவிறுப்பு இல்லை. முதலில் அருங்காட்சிய பொருட்கள் எழுந்து வருவதை பார்க்கும் போது இருந்த திகில் இப்போது இல்லை.

ஆனாலும் என்னை சுற்றி இருந்த சிறுவர் குலாம் திரைப்படத்தை இரசித்துப் பார்த்தமை மூன்றாம் பாகத்திற்கான ஒரு அபாய அறிகுறி ;).

நாயகன் Larry Daley உடன் திரைக்கதையில் சேர்ந்துகொள்ளுகின்றார் நாயகி Amelia Earhart. இவர் ஒரு மெழுகுப் பொம்மை. அதாவது முதலாவதாக அமெரிக்காவிலிருந்து ஐரோப்பாவிற்கு விமானம் ஓட்டிச்சென்ற பெண்மணி. இருவரும் சேர்ந்து அடிக்கும் லூட்டி சிறப்பு. அநியாயத்திற்கு அந்தப் பெண்ணும் அடிக்கடி Larry Daley க்கு நச்சு நச்சு என்று முத்தம் வைக்கின்றார்.

இதைவிட ஆபிரகாம் லிங்கன், சீசர், நெப்போலியன் மற்றும் வில்லன் எகிப்திய மன்னன் ஆயியோரும் வந்து அலுப்படிக்கின்றனர்.

வீட்டில் சின்னப்பசங்க இருந்தா கூட்டிட்டுப்போய் பார்த்து இரசித்துவிட்டு வாருங்க. மற்றும்படி பெரியவர்களை கட்டிப்போடும் அளவிற்கு இந்த திரைப்படத்தில் பெரிய ஈர்ப்பு இருப்பதாக நான் நினைக்கவில்லை.

Mission: Impossible 4 தயாரிக்கப்பட உள்ளது

2009-06-28T13:28:00.003+05:30

டாம் குரூசை உலகம் எங்கும் ஒரு நடிகராக பிரபலப்படுத்திய பெருமை இந்த மிசன் இம்பொசிபிள் தொடர்களுக்கு உண்டு. 2012ம் ஆண்டில் MI4 இந்த திரைப்படம் வெளிவர உள்ளது. மூன்றாம் பாகத்தின் இயக்குனரான J.J. Abrams இந்த திரைப்படத்தையும் இயக்கவுள்ளார்.

ஈதன் ஹன்ட் பாத்திரத்தில் டாம் குரூஸ் நடிக்கவுள்ளார். முதலில் அந்தப் பாத்திரத்தில் பிரட்பிட் நடிப்பதாக கிசு கிசு வெளிவந்தாலும் இப்போதைக்கு டாம் குரூஸ் நடிப்பதாக உள்ளது.

இன்னமும் திரைக்கதை போன்றவையும் தயாரிகப்படாமல் உள்ளமை குறிப்பிடவேண்டும்.

X-Men Origins: Wolverine (2009) விமர்சனம்

2009-06-27T00:57:00.005+05:30

நம்மில் பலரும் சிறுவயதில் X-MEN கார்ட்டூன்களை தொலைக்காட்சியில் பார்த்து இரசித்தோம். அப்போது பல தடவை பிரத்தியோக வகுப்புகளை எல்லாம் கட் அடித்துவிட்டு இந்த கார்ட்டூன் தொடரைப் பார்த்தமை இன்றும் நினைவிருக்கின்றது. பின்னர் இந்த X-MEN திரைப்படமாக எடுக்கப்பட்டு வெளியிடப்பட்டது. முதல் பாகம் நன்றாக வெற்றிபெறவே இரண்டாம், மூன்றாம் பாங்களையும் வெளியிட்டு வசூலை அள்ளிக்கொண்டனர் ஹொலிவூட் மக்கள். X-MEN எனப்படுபவர்கள் மரபணு விகாரத்தால் சாதாரண மனிதர்களை விட வித்தியாசமான சக்தி கொண்டவர்களாக இருப்பர். இதில் எனக்குப் பிடித்த எக்ஸ்-மென் பாத்திரம் வூல்வரின். முஷ்டியை மடகினால் முஷ்டிக்கூடாக மூன்று கத்தி வெளியே வரும். ஆகா...! என்ன ஒரு ஹீரோ. இந்த எக்ஸ-மென் தொடரில் ஒரு பாத்திரமாக வூல்வரினின் வாழ்க்கையை இந்த திரைப்படம் காட்டுகின்றது. உண்மையில் இந்த திரைப்படம் முதலாம் பாகமாக வெளிவந்திருக்க வேண்டும்.

வூல்வரினாக ஹியூஜ் ஜக்மன் நடித்திருந்தார். இவரை பல திரைப்படங்களில் நீங்கள் பார்த்திருப்பீர்கள். உதாரணமாக வன் ஹெல்சிங் போன்ற திரைப்படங்கள். சில வாரங்களுக்கு முன்புதான் இலங்கையின் திரையரங்குகளில் இந்த திரைப்படம் வெளியானது. ஒரு நட்புவட்டம் திரைப்படம் பார்க்க சொல்லி அழைப்பு வர அதனுடன் தொத்திக்கொண்டு லிபர்ட்டி சினிமாவில் உட்கார்ந்து திரைப்படத்தைப் பார்த்தேன்.


காமிக்ஸ் புத்தக உறை

முதலிலேயே வூல்வரின் ஒரிஜின்ஸ் காமிக்ஸ்களை வாசித்திருந்தேன். அதே கதையை எதிர்பார்த்து திரைப்படம் தொடங்கும் போது காத்திருந்தேன். ஆகா..! என்ன ஒரு ஏமாற்றம், காமிக்ஸ் கதைக்கும் திரைப்படக் கதைக்கும் வெகு தூரம். காமிக்ஸில் இழையோடும் அருமையான காதல் கதையை கத்தரித்து விட்டார்கள்.

சரி காமிக்ஸை மறந்துவிட்டு திரைப்படத்தைப் பார்ப்போம் என்று பார்க்கத்தொடங்கினேன்.

கனடாவில் திரைப்படம் ஆரம்பிக்கின்றது. தனது தந்தையை கொலை செய்தவனை கொலைசெய்துவிட்டு தப்பி ஒடுகின்றார் நம்ம லோகன். அவர்தான் பெரியவராகி பின்னாளில் வூல்வரின் ஆகின்றார். இவருடன் சேர்ந்து ஒடுகின்றார் அவரின் சகோதரன் (half brother). இந்த அரைவேக்காடுதான் பின்னாளில், வூல்வரினின் பரம எதிரியான சைபரூத்.

மரணம் ஏற்படாத வூல்ரினும் அவர் சகோதரனும் பல்வேறு அமெரிக்க யுத்தங்களில் பங்குபெறுகின்றனர். பின்னாளில் இவர்கள் ஒரு அதிகாரியினால் பயன்படுத்தப்படுகின்றார். வூல்வரின் எலும்புகளை உருக்கி அதற்குப் பதிலாக உலோகம் போன்ற பொருளை பொருத்தி வூல்வரினை பலமான ஒரு மனிதனாக மாற்றுகின்றனர். இந்தக் கதையை ஏற்கனவே முந்தய திரைப்படங்களில் பிட்டு பிட்டாக காட்டினார்கள். காமிக்ஸ் இரசிகர்கள் இந்தப் பாகத்தை X Weapon எனும் தொடரில் இரசிக்கலாம்.

திரைக்கதை சுமார், special effects அருமை. இந்த திரைப்படம் உங்களை ஏமாற்றாது, ஆனால் நல்ல திரைப்படம் என்று உறுதியளிக்கவும் முடியாது. நீங்கள் என்னைப்போன்ற X-MEN அல்லது Wolverine பைத்தியம் என்றால் கட்டாயமாக இந்த திரைப்படத்தைப் பார்க்கவும்.

கொசுறுத் தகவல்: திரைப்படம் முடிந்தவுடன் எழுந்து வந்துவிடாதீர்கள். எழுத்தோட்டம் முடிந்தபின்னர் ஒரு சிறய காட்சியுள்ளது. இதை வைத்துப் பார்க்கும் போது இன்னுமொரு திரைப்படம் வரும் என்று எதிர்பார்க்கலாம்.

Punisher: War Zone (2008) - விமர்சனம்

2009-04-19T13:00:00.003+05:30

காஷ்மீர் முதல் கன்னியாக்குமரி வரை விசயகாந்த் தீவிரவாதிகளை துரத்தி துரத்தி சுடுவது போல இந்த பனிஷர் சமூகவிரோதிகளை துரத்தி துரத்திச் சுடுகின்றார். மார்வல் காமிக்ஸ்கதைப் பாத்திரத்தை மையமாக கொண்டி இந்த திரைப்படம்எடுக்கப்பட்டுள்ளது. அதிகமாக வெட்டுக் கொத்து என்றுதிரைப்படம் நகர்கின்றது. 300 திரைப்படத்தில் எப்படி இரத்தம்கொப்பளிக்க கொப்பளிக்க கொலைசெய்வார்களோ அவ்வாறேஇந்த திரைப்படத்திலும் கொலைகள். நெஞ்சைத்திடப்படுத்திக்கொண்டே பார்க்க முடியும். Ray Stevenson சமூக விரோதிகளைத்தண்டிக்கும் ஒரு விஜிலாண்டியாக நடித்துள்ளார். இந்த திரைப்படம் இதேதொடரில் முன்பு வந்த திரைப்படத்துடன் ஒப்பிடும் poothu மோசமாக இருப்பதாகபனிஷர் இரசிகள் குறைகூறுகின்றனர். விசயகாந்த் படம் என்று தொடக்கத்தில் கூறியதால் ஏதாவது சப்பை படம் என்று நினைத்து வைக்காதீங்க ;)

ஒரு வன்முறை கூட்டத்தால் குடும்பத்தை இழக்கும் பிராங் விரக்தியின் முடிவிற்கு வந்து சமூக விரோதிகளையும் கொள்ளைக்கார குடும்பங்களையும் ஆணிவேரோடு அழிக்கின்றார். இந்தப் பயனத்தில் ஆறு வருடங்களாக இருக்கும் பிராங்கின் நடத்தைக்கு NYPD (அதாங்க.. நிவ்யோர்க் பொலிஸ் டிப்பார்ட்மென்ட்)இல் இருக்கும் சில பொலீஸ் அதிகாரிகளும் மறைமுகமாக ஆதரவு தருகின்றார்கள். இவர்கள் பலவேளைகளில் செய்ய முடியாமல் போகும் காரியம் (அதாவது நம்மூர் பொலீசு என்கவுண்டர் போடுறது) அனைத்தையும் தன் கையில் எடுத்து செய்து முடிக்கின்றார் பிராங்க். கள்வனைக் கண்டால் உடனே அவனுக்கு மரணத்தைப் பரிசளி என்பது பிராங்கின் மந்திர வாக்கு.

இவ்வாறு ஒருநாள் சில சமூக விரோத கும்பலை அடித்து துவைக்கும் போது ஒருத்தனை கண்ணாடி அரைக்கும் இயந்திரத்தில் போட்டு அரைக்கின்றார் நம்ம பணிசர். இவன் பின்னர் FBI முகவர்களால் காப்பாற்றப்பட்டு, எழும்பி வந்து வில்லனாகின்றான். முகம் கோரமான இவனுடன் மன நோயாளியான இவன் தம்பி வேறு சேர்கின்றான். இரண்டு பேரும் சேர்ந்து, கொள்ளையர்கள், கற்பழிப்பாளர்கள், என்று பலரையும் ஒரு குடையின் கீழ் சேர்த்து ஒரு பெரிய குழுவை உருவாக்குகின்றார். அவனுக்கு "Jigsaw" என்று ஒரு பெயர் வேறு.

இந்த ஜிக்சோவை தண்டிக்கும் நேரத்தில் வரும் ஒரு கொள்ளையனை பணிஷர் சுட வேண்டி ஏற்படுகின்றது. ஆனால் பின்னர் பார்க்கும் போது அவர் இந்த சமூக விரோதக் கும்பல் மத்தியில் ஒழிந்திருந்த ஒரு எப்.பி.ஜ முகவர் என்று தெரிய வருகின்றது. இந்த கொலையால் கோபமடையும் எப்.பி.ஜ முகவர் ஒருவர் NYPD உடன் சேர்ந்து பணிஷரைப் பிடித்து சட்டத்தின் முன்னால் நிறுத்த முனைகின்றார்.

இதேவேளை பிராங் எனப்படும் பணிஷர் தான் செய்த கொலையை எண்ணி வருந்துகின்றார். இறந்த முகவரின் குழந்தை,மனைவியிடம் அன்பாக இருக்கின்றார்.மிகுதி என்ன என்பதை வெள்ளளித் திரையிலோ, டிவிடியிலோ, திருட்டு சி.டியிலோ பார்த்து மகிழ்க.

Ray Stevenson அருமையாக நடித்துள்ளார். குரோதம் நிறைந்த தீயவர்களை மன்னிக்க மறுக்கும் பாத்திரத்தில் நன்கே பொருந்துகின்றார். அப்புறம் இந்த திரைப்படத்தை யுவனுக்குப் போட்டுக்காட்ட வேண்டும். கையில் இலக்ட்ரோனிக் கிட்டார் இருக்கு என்பதனால் என்னவும் செய்யலாம் என்பது அவர் நினைப்பு. பின்னணி இசை நெஞ்சை உருகவும் உலுக்கவும் வைக்கின்றது. வன்முறை அதிகம் நிறைந்த படம் என்பதால் குழந்தைகளுடன் பார்க்க ஏற்றபடம் அல்ல.

Australia (2008) விமர்சனம்

2009-04-12T20:54:00.003+05:30

ஒரு நாட்டில் பெரும்பாண்மையாக இருப்பவர்கள்தான் அந்த நாட்டின் பூர்வீக குடிகள் என்று ஒரு கருத்து சில ஆமைகள் மத்தியில் நிலவுகின்றது. அவ்வாறு இல்லை என்பதற்கு நம் கண்முன்னே விரியும் சாட்சிதான் தற்போதைய அவுஸ்திரேலியா. அபரோஜினல் இனத்தவரே அவுஸ்திரேலியாவின் பூர்வீக குடிகள். வந்து குடியேறிய ஜரோப்பியர் இவர்களின் அடையாளத்தை அழிக்கும் பணியில் வலும் ஆர்வமாக ஈடுபட்டனர். இந்த திரைப்படத்தின் கதை ஒரு அபரோஜினோ சிறுவனை சுற்றி நகர்கின்றது. கறிக்கு மிளகாய், வெங்காயம், மிளகு போன்றவை சேர்ப்பது போல உலக யுத்தம் போன்ற சில பல விடையங்களும் திரைப்படத்தில் சேர்க்கப்பட்டுள்ளது. பூர்வீக குடியைச் சேர்ந்த தாய்க்கும் வெள்ளையின தறுதலை ஒன்றிற்கும் பிறக்கும் இரண்டும் கெட்டான் சிறுவன் நல்லாவே திரைப்படத்தின் மையம். இவனை சுற்றி ஒரு பக்கத்தில் ஒரு வெள்ளைக்கார காதலையும் அரங்கேற்றுகின்றார்கள் ஹொலிவூட் காரர்கள்.

வட அவுஸ்திரேலியாவில் கதையின் பெரும் பாகம் நகர்கின்றது. உலக யுத்தம் அதன் தாக்கம் பற்றி கதைத்தவாறே திரைப்படம் ஆரம்பித்தாலும் கதை சுழன்று அபரோஜினோ சிறுவன் நல்லாவை நோக்கி திரும்புகின்றது.

அவுஸ்திரேலியா சென்று மாட்டுப் பண்ணை நடத்தும் கணவனை மீள இங்கிலாந்து அழைத்துவர சீமாட்டி ஆஷ்லி அவுஸ்திரேலியா புறபடுகின்றார். அவுஸ்திரேலியாவின் டார்வின் எனும் நகரை வந்து சேரும் இவரை அவரது கணவரால் வேலைக்கு அமர்த்தப்பட்ட ட்ரோவர் அழைத்து செல்வதாக முடிவாகின்றது. வந்து சேரும் சாரா, ட்ரோவரை பெரும் அடி தடி மயிர்பிடி சண்டை மத்தியில் சந்திக்கின்றார்.

இவ்வாறு பல சாகங்களுடன் கணவனின் இடத்தை (Faraway Downs) அடைகின்றார் ஆஷ்லி. இங்கேதான் அபரோஜின இன சிறுவன் நல்லா மற்றும் அவனது தாயார் வசிக்கின்றனர். ஆஷ்லியின் கெட்டகாலம் அவர் வந்து சேர்ந்த நேரம் பார்த்து அவரது கணவர் மரணமாகிவிடுகின்றார் அல்லது கொலைசெய்யப்பட்டுவிடுகின்றார். அவரது கணவரது கொலைக்கு காரணம் கிங் ஜோர்ஜ் என்று அவரது கணவரின் உதவியாளர்களில் ஒருவரான ப்ளெச்சர் சொல்கின்றார். உண்மையில் அவரது கணவரில் கொலைக்கு காரணம் பிளச்சர்தான் (Fletcher), இந்த பிளச்சர் தசாவதாரத்தில் வரும் பிளச்சர் இல்லை ;)

உண்மையில் பிளச்சர் கார்ணி எனும் மற்றய ஒரு மாட்டுப்பண்ணை முதலாளியிடம் விசுவாசமாக இருந்து சாராவின் கணவரின் மாடுகளைத் திருடிவருகின்றான். இவை அனைத்தும் அபரோஜின சிறுவன் நல்லா மூலம் சாரா அறிந்து கொள்கின்றாள். இதனை அடுத்து பிளச்சரை அவனது வேலையில் இருந்தும் விரட்டி விடுகின்றாள்.

இதன் பின்னர்தான் படம் சூடுபிடிக்கத்தொடங்குகின்றது. மாட்டு வியாபாரம் அது இது என்று கதை நீள்கின்றது. இதற்கிடையே சிறுவன் நல்லாவிற்கு சாராவிற்கும் இடையில் தாய் மகன் போன்ற உறவு உருவாகின்றது. அதே போல் சாராவும் அவரை அவரது கணவரிடம் கூட்டிவந்த ட்ரோவரும் ஒருத்தரை ஒருத்தர் காதலிக்கத்தொடங்குகின்றனர்.

திரைப்படத்தின் மிகப் பெரிய பின்னடைவு அதன் நீண்ட கதை. திரையரங்கில் பலரும் அவர்கள் பேசும் அவுஸ்திரேலிய ஆங்கல உச்சரிப்பு புரியவில்லை என்று முனகுவது கேட்டது. நமக்கும் அப்படித்தான், பிறகு வந்து விக்கிப்பீடியாவில் கதையை வாசித்தமாக்கும். ;)

காட்சிகள் பிரமாதம், அருமையான ஒளிப்பதிவு. கட்டாயமாக இந்த திரைப்படத்தைப் பாருங்கள். இது உங்களை ஏமாற்றாது, ஆனால் 100 திருப்திப் படுத்தும் என்று நான் வாக்குறுதி வழங்க மாட்டேன்.

The Invasion (2007) விமர்சனம்

2009-04-09T21:36:00.003+05:30

வேற்றுக் கிரக வாசிகள் பல வேசங்களில் வந்து பூமிக்குசவால்விடும் திரைப்படங்கள் பலவற்றைப்பார்த்திருக்கின்றோம். இவ்வாறாக இது வரை வெளிவந்தஹொலிவூட்திரைப்படங்களைப் பட்டியல் போடப் போனால்அது மோசமாகநீளும். அந்த வரிசையில் ஒரு திரைப்படம். ஒருவேற்றுக் கிரகவாசியையோ அல்லுது ஒரு பறக்கும்தட்டையோ காட்டாமல் ஒரு திரைப்படம்எடுத்திருக்கின்றார்கள். இந்தக் கதையில் வேற்றுக் கிரகவாசிகளுக்குப் பதிலாகபூமிக்கு வெளியே இருந்து வரும்வைரசுக்கள் மனிதனைஆட்டிப்படைப்பதையும் அதன் மூலம் மனிதர் அடையும்பிரைச்சனைகளையும்இந்த திரைப்படம் காட்டுகின்றது.

விண்ணில் இருந்து ஒரு நாசா அனுப்பிய ஒரு விண்கலம் பூமியின் ஈர்ப்பு வட்டத்தினுள் நுழைகின்றது. ஆனால் கெட்டகாலம் அந்த விண்கலம் அமெரிக்க வான் பரப்பில் உடைந்து சிதறிவிடுகின்றது. அவசரமாக அமெரிக்க அரசு அந்தப் பாகங்களை யாரும் தொட வேண்டாம் என்று கட்டளையிடுகின்றது. அவசரக்குடுக்கைகளான அமெரிக்கர்கள் அந்தப் பாகங்ளைத் தொட்டுத் தொலைக்கின்றனர். அந்த சிதறிய பாகங்களில் இருந்து வைரசுக்கள் பரவத் தொடங்குகின்றது.

சாதாரணமாக அமெரிக்க திரைப்படங்களில் வரும் வைரசுக்கள் பயங்கரமாக இருக்கும். மனிதரை இரத்த வெறிகொண்டவராக மாற்றக்கூடியவையாக இருக்கும். ரெசிடன் ஈவில் போன்ற திரைப்படங்கள் உங்களுக்கு ஞாபகத்திற்கு வரலாம். ஆனால் இந்த திரைப்படத்தில் வரும் வைரசுக்கள் மனிதருக்கு அப்படியொன்றும் மோசமான செயலை செய்யவில்லை. மனிதர்கள் யாவரையும் ஒரு அணியில் சேர்க்க உதவத் தொடங்குகின்றது. மனிதர்கள் ஒருத்தரை ஒருத்தர் வெறுப்பதற்குப் பதிலாக ஒருத்தரை ஒருத்தர் விரும்பத் தொடங்குகின்றனர்.

வைரசு தொற்றுக்குள்ளானவர் உடனடியாக அந்த வைரசுக்கு அடிமையாக மாட்டார். வைரசு தாக்குதலுக்குப் பின்னர் கொள்ளும் முதலாவது நித்திரையின் பின்னரே வைரசு தாக்கத்திற்கு உள்ளாவர். அத்துடன் வைரசு தாக்கத்திற்கு உள்ளானவர்கள் தம்மிடம் இருக்கும் வைரசை மற்றவர்களுக்குப் பரப்பும் முயற்சியிலும் ஈடுபடுவர்.

இத்தனை பிரைச்சனை மத்தியிலும் இந்த வைரசில் இருந்து தன் மகனைக் காப்பாற்றவும், வைரசின் பிடியில் செயற்படாமலும் இருக்க ஒரு பெண் (Nicole Kidman) எடுக்கும் முயற்சியைச் சுற்றி கதை நகர்கின்றது.

தன் முன்னாள் கணவரிடம் இருந்து வைரசை பெற்றுக் கொள்ளும் இந்த தாயார் தான் நித்திரைகொண்டால் வைரசின் தாக்கத்திற்கு அடிமையாகிவிடுவோம் என்று நித்திரைகொள்ளாமல் ஓடித்திரிவார்.

இப்படி போகும் கதையில் கிட்டத்தட்ட மனிதர்கள் தம் சுயத்தை இழக்கின்றார்கள். அதாவது ஒருத்தரை ஒருத்தர் அடித்துப் போடும் பழக்கம். இந்த வைரசின் பிடியில் இருந்து எவ்வாறு மீள்கின்றார்கள் மற்றும் அந்த தாய்க்கும் குழந்தைக்கும் என்ன ஆனது என்பது மிகுதிக்கதை.

கசினோ ரோயல் ஜேம்ஸ்பாண்ட் இந்த திரைப்படத்திலும் நாயகனாக நடிக்கின்றார். விறுவிறுப்பிற்கு குறைவில்லை ஆயினும் அமெரிக்க நேயர்கள் இந்த திரைப்படம் தங்களை ஏமாற்றிவிட்டதாகவே கூறுகின்றனர்.

நேரத்தைக் கொல்ல பார்க்க கூடிய ஒரு திரைப்படம்.

Pineapple Express (2008) விமர்சனம்

2009-03-24T23:33:00.005+05:30

அடி தடி வெட்டுக்கொத்து இப்படியான அக்சன் காட்சிகள் மசாலா போல சேர்த்திருந்தாலும் ஹிக்...ஹிக்... என்று குலுங்கி குலுங்கி சிரிக்க வைக்கும் திரைப்படம். பல ஆண்டுகளுக்கு முன்னர் பரீட்சிக்கப்பட்ட ஒரு போதை மருந்துதான் Pineapple Express. இது தற்போதைய காலத்தில் போதைப்பொருள் சந்தைக்கு வந்துவிடுகிறது. இதை வாங்கிப் பாவித்ததால் டேல் டென்டோன் (Seth Rogen) எனும் நபர் அடையும் குளப்பங்களை நகைச்சுவையாக காட்டியதே இந்த திரைப்படம். உண்மையில் இந்த வகைப் போதைப்பொருளை முதலாவதாக சந்தையில் பெற்றுக்கொள்பவர் இந்த டேல் மகராசன் தான். இதனால் போதைப் பொருள் கடத்தல் காரர்களுக்கு டேல் மற்றும் அவனது காதலி வீடு என்பவற்றை கண்டறிய கஷ்டம் இருக்கவில்லை.

இந்த டேல் ஒரு சட்ட நிறுவனத்தின் slacker ஆகப் பணிபுரிகின்றார். கிடைக்கும் நேரங்களில் மரிஜூவானா ஊதி தள்ளுவார். நடுத்தர வயதை சேர்ந்த இவர் ஒரு உயர் பள்ளிக்கூட (High School) மாணவியை டேட்டிங் செய்கிறார் என்பது கொடுமை. அதைவிட அந்தப் பெண் பலதடவை தன் பெற்றோரை வந்து சந்திக்கச்சொல்லியும் பயம் காரணமாக இவர் சந்திக்காமல் தவிர்த்து வருகின்றமை அதிலும் பெரிய கொடுமை.

வழமை போல ஒருநாள் இவரது பிரியமான போதைப் பொருள் விற்பனையாளரான Saul ஐ சந்திக்கச் செல்கின்றார். அவன் புதிதாக வந்துள்ளதாக இந்த பைன்னப்பிள் எக்ஸ்பிரஸ் எனும் போதைப் பொருளை அறிமுகம் செய்து வைக்கின்றார். அதை புகைத்தவாறு தனது அடுத்த கிளையன்டின் வீட்டு வாசலில் நிற்பவர் ஒரு திடுக்கிட வைக்கும் காட்சியைக் காண்கின்றார்.

டெட் எனும் அந்த கிளையன்டும் மற்றுமொரு கெட்ட பொலீஸ்காரியும் சேர்ந்து ஒரு ஆசிய இன ஆடவனை கொலை செய்கின்றனர். இதை பார்த்துவிடும் டேல் உணர்ச்சிவசப்பட்டு தனது காரின் முன்னாலும் பின்னாலும் நிறுத்தி வைத்திருக்கும் வாகனத்தை இடி இடி இடி என்று இடித்து தள்ளிவிட்டு தப்பி ஓடுகின்றார்.

டெட் மற்றும் கெட்ட பொலீஸ்காரி வெளியே வந்து பார்க்கும் போது டேல் பைனபில் எக்ஸ்பிரசையே புகைத்துக்கொண்டிருந்தான் என்பதைக் கண்டறிகின்றனர். இந்த பைனபிள் எக்ஸ்பிரசை இப்போ வினயோகிப்பவனே இந்த டெட்தான். தனது மொத்த விற்பனையாளரை மடக்கி அவன் மூலம் சில்லறை விற்பனையாளனை முடக்கி, தான் செய்த கொலையைப் பார்த்த சாட்சியை மடக்க டெட் முயற்சிக்கிறான்.

டெட் இவ்வாறு முயற்சிக்கலாம் என்று தெரிந்து கொண்ட டேலும் Saulஉம் ஓடுகின்றார்கள் ஓடுகின்றார்கள் அமெரிக்காவின் எல்லைக்கே ஒடுகின்றார்கள். இதன் பிறகு எப்பிடி இந்தப் பிரைச்சனையில் இருந்து தப்பினார்கள் என்பது மிகுதிக் கதை.

ஆகா ஓஹோ என்று நகைச்சுவையில்லாவிட்டாலும் Zack and Mihiri make Porno போன்ற திரைப்படங்களை விட நூறுமடங்கு சிறந்த திரைப்படம் இது. Zack and Mihiri Make Porno திரைப்படத்தில் நடித்திருந்த நடிகர் Seth Rogen தான் இந்த திரைப்படத்திலும் நடித்திருக்கின்றார்.

நீண்ட நாளைக்குப் பிறகு பரவாயில்லாமல் ஒரு நகைச்சுவைத் திரைப்படம் பார்த்த திருப்தி மனதில்.

Ring of Death (2008) விமர்சனம்

2009-03-20T21:46:00.002+05:30

சிறைச்சாலையின் வார்டன் தன் கட்டுப்பாட்டில் சிறைச்சாலையை வைத்திருந்து அட்டகாசம் செய்வது போலக் காட்டும் திரைப்படங்கள் பலவற்றைப் பாத்திருக்கின்றோம். அவ்வகையில் அமைந்த ஒரு திரைப்படமே இது. இதே போன்று டெத் ரேஸ் எனும் திரைப்படமும் கடந்த வருடம் எடுத்திருந்தார்கள். அந்த திரைப்படத்தில் கால்வாசி கூட இந்த திரைப்படம் இல்லை. எடுத்துக்கொண்ட விடையம் ஏதோ நன்றாக இருந்தாலும் மிக மிக மட்டமான திரைக்கதையைப் பயன்படுத்தியிருக்கின்றார்கள். பழைய மொந்தையில் புதிய கள்.

சிறைச்சாலை சுவர்களுக்குப் பின்னால் கைதிகளை மோத விட்டு அதனை இணையத்தில் Streaming முறையில் ஒளிபரப்பி பணம் சம்பாதிக்கின்றார் வோர்டன். இதனை அறிய பொலிஸ் அதிகாரி உள்ளே ஒரு கைதியாக நுழைகின்றார். அவர் இத்தனை அபாயமான செயற்றிட்டத்திற்கு ஒத்துக்கொண்டதற்கு காரணம், மகன் படிப்பு, குடும்ப நிதி நெருக்கடி மற்றும் மீள வெளியே வந்த்தும் காத்திருக்கும் FBI உத்தியோகம்.

வழமை போல எல்லா பொலீஸ் காரனையும் போல இவரும் பல பல உண்மைகளைக் கண்டறிகின்றார். எல்லாம் சுபமாக நிறைவேறுகின்றது.

ஒற்றைக் கண்ணுடன் வந்து பயமுறுத்தும் வோர்டன் Prison Break இரசிகர்களுக்குப் பரீச்சயமானவர். Fox river வோர்டனாக நடித்தவரே (Stacy Keach) இந்த திரைப்படத்திலும் வில்லன் வோர்டனாக நடிக்கின்றார்.

மோசமான பலமில்லாத திரைக்கதையில் திரைப்படம் அல்லல்படுகின்றது. சண்டைக் காட்சிகள் அருமையாகவும் இரத்த மயமாக இருந்தாலும் திரைப்படத்தை ஒரு நல்ல திரைப்படம் எனும் பகுப்பிற்குள் கொண்டுவர முடியாமல் உள்ளது.

எதுவுமே இல்லை வேற எந்த திரைப்படமும் இல்லை. வில்லு பொல்லு போன்ற திரைப்படங்கள் பார்க்கப்போவதாக இருந்தால் இந்த திரைப்படத்தைப் பாருங்கள்.

பி.கு: சில நிர்வாணக் காட்சிகளும் இருப்பதால் கவனமாக யோசித்துக் குடும்பத்துடன் பாருங்கள்.

Valkyrie (2008) விமர்சனம்

2009-03-19T21:51:00.003+05:30

பலரும் இணையத் தளங்களில் இந்த விமர்சனத்தை எழுதியிருப்பதைக் கண்டேன் என்றாலும் என் பங்குக்கும் ஏதாவது எழுதும் ஆர்வத்தில் இந்த விமர்சனத்தை எழுதுகின்றேன். வல்கரி எனும் இந்த திரைப்படம் ஹிட்லர் காலத்தில் நடந்த ஒரு புரட்சிக்கதை. ஹிட்லருக்கெதிராக நடந்த புரட்சி. ஹிட்லருக்கு எதிராக நடந்த புரட்சி என்றதும் ஏதோ பிரஞ்சுகாரனும், பிருத்தானியா காரனும் செய்த புரட்சி என்று எண்ண வேண்டாம். இது ஹிட்லருக்கெதிராக அவரது படையில் இருக்கும் இராணுவ அதிகாரிகளால் அரங்கேற்றப்பட்ட நிகழ்ச்சி. வரலாற்றையே மாற்றியிருக்க வேண்டிய நிகழ்ச்சி இது.!!!

வட ஆபிரிக்காவில் நகரும் ஹிட்லரின் நாசிப்படைகளைக் காட்டுவதுடன் திரைப்படம் ஆரம்பிக்கின்றது. டாம் குரூஸ் ஒரு நாசிப் படை அதிகாரியாக திரைப்படத்தில் தோண்றுகின்றார். முதல் காட்சியிலேயே அவர் ஹிட்லரை எந்தளவு வெறுக்கின்றார் என்பதைக் காட்டுகின்றனர்.

யுத்த முண்ணரங்கிற்கு படைகளை நகர்த்த இருக்கும் அதிகாரியிடம் படைகளை நகர்த்துவது எவ்வளவு முட்டாள் தனம் என்று பேசி முடித்து நகர்வதற்கிடையில் நேசப் படைகளின் விமானங்கள் வந்து சேர்ந்து குண்டு மழை பொழிகின்றன. வழமைபோல அங்கும் இங்கும் ஓடித்திரியும் ஸ்டோபன்பேர்க் (Stauffenberg-டாம் குறூஸ்)தானும் காயப்பட்டுவிடுகின்றார்.

வைத்தியசாலையில் கண்விழிக்கின்றார் ஸ்டோபன்பேர்க், மனைவி அரவணைத்துக்கொள்கின்றார். ஒரு கண், வலக்கையில் சில விரல்கள் என்பன இல்லாமல் போய்விட்டன. ஊனமுற்றவரான ஸ்டோபன்பேர்க்கிற்கு பதிவியுயர்வுடன் அலுவலக வேலையொன்றும் வழங்கப்படுகின்றது.

அடிபட்ட புலியாக ஸ்டோபன்பேர்க் ஹிட்லருக்கு எதிராக செயற்படத்தொடங்குகின்றார். மெல்ல மெல்ல அதற்கு கூட்டுச்சேர வேண்டியவர்களையும் அடையாளம் கண்டு அவர்களுடன் இணைந்துகொள்கின்றார். இதன்படி இரகசியமாக ஹிட்லருக்கு எதிராக அரசியல் நடத்துவோருடன் இணைகின்றார். இவர்கள் மத்தியில் மெல்ல மெல்ல ஸ்டோபன்பேர்க் பிரபலமாகின்றார்.

இந்த கூட்டத்தின் பலனாக ஹிட்லர் இறந்தபிறகு என்ன செய்வது என்பது பற்றிய வல்கரி எனும் நடவடிக்கையை ஸ்டோபன்பேர்க் ஆவணப்படுத்தி அதில் ஹிட்லரின் கையெழுத்தையே வேண்டுகின்றார்.

Olbricht எனும் இராணுவ உத்தியோகத்தர் மற்றும் ஸ்டோபன்பேர்க் ஒன்றாக இணைந்து ஹிட்லரின் குகைக்குள் நுழைகின்றனர். அவரை குண்டுவைத்து கொலைசெயவதே இவர்களின் நோக்கம்.

இதை வாசிக்கையிலேயே உங்களுக்குப் புரியக்கூடும். இது ஒரு தோற்கடிக்கப்பட்ட நடவடிக்கை என்பது. ஏன் எனில் ஹிட்லர் குண்டு வெடிப்பில் மரணமாகவில்லை. திட்டம் பலமானதாக இருப்பினும் குண்டுவெடிப்பில் ஹிட்லர் தப்பிவிடுவதால் எல்லாம் தாறுமாறாக மாறுகின்றது. இறுதியில் புரட்சிசெய்தோருக்கு என்ன தண்டனை என்பதை நான் சொல்லித் தெரியவேண்டியதில்லை.

வழமைபோல அனைவரும் டொம் குறூஸ் நடிப்பு மோசம் என்று பேசியுள்ளனர். ஆனால் என்னைப் பொறுத்தவரையில் மனுசன் நடிப்பில் விளாசியிருக்கின்றார். அருமையான நடிப்பு. இவருடன் இணைந்து நடித்த துணை நடிகர்களும் அருமையாக நடித்திருக்கினர்.

கட்டாயமாக அனைவரும் பார்க்க வேண்டிய திரைப்படம்.!

சில தொடர்பான தொடுப்புகள்

Underworld: Rise of the Lycans (2009)

2009-03-14T17:37:00.004+05:30

என்னவோ தெரியாது முதலாவது பாகம் பார்த்ததுமே Underworld திரைப்படம் பிடித்துப்போய் மூன்று பாகங்களையும் ஒரு நாளிலேயே பார்த்து முடித்தேன். இங்கு எழுதும் விமர்சனம் மூன்றாம் பாகத்துக்கானது.

வம்பயர்ஸ், வேர்வூல்ப் இடையில் ஜென்மத்துப் பகை. காலம் காலமாக இருவரும் ஒருத்தரை ஒருத்தர் அடித்துக்கொள்கின்றனர். சாதாரண மனிதரை வம்பயர் கடித்தால் அவர் வம்பயராவார் அல்லது வேர்வூல்ப் கடித்தால் வேர்வூல்வ் ஆவார். அத்துடன் பலகாலம் சாகாவரம் பெற்றுவாழ்வர் (Immortality).

திரைப்படத்தின் ஆரம்பமே அட்டகாசம். ஒரு குதிரைவீரன் காட்டுவழியே வருகின்றான். திடீரென அனைத்துப்பக்கங்களினாலும் வேர்வூல்ப்கள் அவனைத் துரத்துகின்றது. வழியில் தன்வழியில் குறுக்கிடும் வேர்வூல்ப்களை அடித்துவீழ்த்தியவாறே தன் கோட்டையை நோக்கித் தப்பி ஓடுகின்றான் அந்த வம்பயர் வீரன். கோட்டையினுள் நுழையும் வீரன் தன் தலைக்கவசத்தை அகற்றுகின்றான். அவன் அல்ல அவள். வம்பயர் அரசன் விக்டரின் அருமை மகள் சோன்யா. காட்சி அமைப்புகள் அபாரம். கதிரை நுனியில் உட்கார்ந்து பார்க்க வைக்க கூடிய காட்சியமைப்புகள் மற்றும் பிண்ணனி இசை.

உண்மையில் பார்க்கப்போனால் லைக்கன்சின் எழுச்சி (Rise of the Lycans) எனப்படும் மூன்றாம் பாகம் முதலாம் பாகமாக வந்திருக்கவேண்டும். லூசியஸ் எனப்படும் வேர்வூல்ப்பின் கதையே இது. சாதாரணமாக வேர்வூல்பாக மாறுபவர்கள் திரும்ப மனிதவுரு கொள்ள வாய்ப்பே இல்லை ஆனால் லூசியஸ் புதிய வலுவுடன் பிறக்கிறான். அதாவது விரும்பியபோது வேர்வூல்ப் வடிவம் கொள்ளவும் பின்னர் மனித வடிவம் கொள்ளவும் இவனால் முடிகின்றது.

முதலாம் பாகத்தில் இந்த லூசியசை நீங்கள் காணலாம் ஆனாலும் அவருடைய கதையை முழுமையாக காட்டவில்லை. மூன்றாம் பாகத்தில் தனியே லூசியசினுடைய கதையை காட்டுகின்றனர்.

வம்பயர்களின் சிறைக்கூடத்திலே பிறக்கும் இவனை முதலில் கொல்லத்துடிக்கும் வம்பயர் தலைவன் விக்டர் மனம்மாறி இவனை மையமாக வைத்து புதுத்திட்டம் தயாரிக்கின்றான். அதன்படி லூசியனை வம்பயர்கள் மத்தியில் ஒரு செல்லப்பிராணிபோல வளர்ப்பதுடன் அவனிடம் இருக்கும் அபாரமான ஆற்றலைக்கண்டு வியக்கின்றனர்.

லூசியனைப்போல பலரை உருவாக்கி வம்பயர்கள் அவர்களை காவல்நாய்களாகவும் அடிமைகளாகவும் நடத்த முடிவுசெய்கின்றனர். இதன்படி லூசியன் பசியாக இருக்கும் நேரத்தில் சாதாரண மனிதர்களை லூசியன் இருக்கும் சிறைக்கூடத்தினுள் அடைத்து வைக்கின்றனர். லூசியன் இவர்களை கடிப்பதனால் இவர்களும் லூசியனைப்போல ஒரு லைக்கன் ஆகின்றனர்.

இவ்வாறு உருவாகிய லைக்கன்கள் எவ்வாறு தமது எசமானரான வம்பயர்களை எதிர்த்து விடுதலைபெறுகின்றார்கள் என்பது மிகுதிக்கதை. சிறையில் அடைபடும் லூசியஸ் தன் சக லைக்கன் சகோதரர்களைப் பார்த்து இவ்வாறு கூவுவார்.

I've lived by their rules my entire life. I've protected them. envied them. and for what? To be treated like an animal. We are not animals! Is this want you want? We can be slaves, or we can be... LYCANS!

அருமையான நடிப்புத் திறமை அந்த மனிதரிடம். இத்தனை பழிக்குபழி வன்மம் வன்முறை மத்தியில் ஒரு அருமையான அழகான காதல் கதைவேறு இழையோடுகின்றது.

லூசியஸ் ஒரு லைக்கன், வம்பயர்களின் மூத்த தலைவர்களில் ஒருவனான விக்டரின் மகளுடன் காதல் கொள்கின்றான். இருவரும் ஒருவரை ஒருவர் விரும்புவதுடன் காதலுக்குமேல் ஒரு படிசென்று உடலுறவுவேறு கொள்கின்றனர். இதையறியும் விக்டர் மகள்மீது தீராக்கோபம்கொள்கின்றான். சாதாரணமாக எங்கள் தமிழ் திரைப்படங்களில் வரும் சாதி பிரைச்சனைபோலவே இது.

வம்பயர்களின் பார்வையில் லைக்கன்கள் எல்லாரும் மிருகங்கள். மிருகத்துடன் தன்மகள் காதல்வயப்படுவதை எந்த அப்பன் விரும்புவான்????

இவர்கள் காதல் வெற்றிபெற்றதா இல்லையா மற்றும் லைக்கன்கள் வம்பயர்களின் கோட்டையைக் கைப்பற்றினார்களா இல்லையா என்பதை திரைப்படத்தைப் பார்த்து தெரிந்துகொள்ளுங்கள்.

இந்தக் கதையை காமிக்ஸ் புத்தகமாக வெளியிட்டுள்ளார்கள். இலவசமாக நீங்களும் வாசிக்கலாம்.

ஜெய ஹோ - இப்போது ஆங்கிலப் பாடலாகவும்

2009-02-26T00:44:00.002+05:30

ஸ்லம் டோக் மில்லியனர் படத்தில் இடம் பெற்ற பாடலும் பின்னர் ஆஸ்கார் விருதை ரஹுமானுக்குப் பெற்றுக்கொடுத்துமான இந்தப் பாடல் இப்போது ஆங்கிலத்தில் வெளிவந்துள்ளது.

பிரபல ஆங்கிலப் பாடகிக்கூட்டமான, புசி கட் டோல்ஸ் இந்தப் பாடலை இப்போது ஆங்கிலத்தில் மீளமைத்துள்ளனர். அண்மையில் வீடியோ காட்சிகள் ஆஸ்திரியாவில் உள்ள ஒரு புகையிரத நிலையத்தில் படம்பிடிக்கப்பட்டது.

விரைவில் வீடியோவை யூடியூப்பில் எதிர்பார்க்கலாம்.

Pussy cat dolls have remixed the song into English

check out their site

http://www.pcdmusic.com/jaiho/

Lyrics

Pussycat Dolls - Jai Ho Lyrics and Video :-

Jai Ho!

Jai Ho

I got shivers

When you touch of a (?)

I’ll make you hot, Get what you got,

I’ll make you wanna say

(Jai Ho, Jai Ho)

I got fever, running like a fire

For you I will go all the way

I wanna take you higher

(Jai Ho)

I keep it steady steady, that’s how I do it

This beat is heavy, so heavy you gonna feel it.

(Jai Ho)

You are the reason that I breathe (Jai Ho)

You are the reason that I still believe (Jai Ho)

You are my destiny

(Jai Oh) Oh-oh-oh

(Jai Ho)

No there is nothing that can stop us (Jai Ho)

Nothing can ever come between us (Jai Ho)

So come and dance with me

Jai Ho!

Catch me, catch me, catch me, c’mon, catch me,

I want you now,

I know you can save me, you can save me,

I need you now.

I am yours forever, yes, forever,

I will follow,

Anywhere in anyway,

Never gonna let go

Jai Ho!

Escape (escape) away (away),

I’ll take you to a place,

This fantasy of you and me

I’ll never lose my chance

(Jai Ho)

Mmmhh yeaahhhh .. hhmm yeaaaha

I can (I can) feel you (feel you),

Rushing through my veins

There’s an ocean in my heart

I will never be the same

(Jai Ho)

Just keep it burnin’, yeah baby, just keep it comin’ (Jai Ho)

You’re gonna find out baby, I’m one in a million

(Jai Ho)

You are the reason that I breathe (Jai Ho)

You are the reason that I still believe (Jai Ho)

You are my destiny

Jai Oh! Oh-oh-oh-oooooh

(Jai Ho)

No there is nothing that can stop us (Jai Ho)

Nothing can ever come between us (Jai Ho)

So come and dance with me

Jai Ho! (oohh)

Catch me, catch me, catch me, c’mon, catch me,

I want you now,

I know you can save me, you can save me,

I need you now.

I am yours forever, yes, forever

I will follow

Anywhere in anyway,

Never gonna let go

(Jai Ho)

Hmmm yaeaaaaahhh

(repeat 2x)

I need you, gonna make it

I’m ready, so take it

(Jai Ho)

You are the reason that I breathe (I breathe)

You are the reason that I still believe (still believe)

You are my destiny (destiny)

Jai Oh! Oh-oh-oh-ooooh

(Jai Ho)

No there is nothing that can stop us (can stop us)

Nothing can ever come between us

So come and dance with me,

Jai Ho! (oohh)

Jai Ho!

Bai-la bai-la!

Jai Ho! Bai-la bai-la!

Jai Ho

ஆஸ்காரை அள்ளிய ரகுமான்

2009-02-23T20:00:00.004+05:30

இந்தியரும் தமிழருமான ரகுமான் நடைபெற்று முடிந்த ஆஸ்கார் விருதுகளில் 2 ஆஸ்கார் விருதுகளைப் பெற்றுள்ளார்.

இதைவிட ஸ்லம் டோக் மில்லியனர் என்ற திரைப்படம் 8 விருதுகளை தனதாக்கியுள்ளது. இதில் ரகுமானின் 2 விருதுகளும் அடங்கும். best original score and best original song - Jai Ho ஆகிய இரு விருதுகளையுமே தனதாக்கிக்கொண்டார்.

அவையில் பேசும் போது "I just want to thank again the whole crew of Slumdog Millionaire, especially [director] Danny Boyle, for giving me such a great opportunity." என்று கூறி அவையடக்கமாக இருந்தார்.

இதே வேளையில் இந்தி நடிகரான அமீர்கான், இந்திய சினிமாத்துறைக்கு கிடைத்த அங்கீகாரத்தினால் மிகவும் பரபரப்பாக இருப்பதாக சந்தோசம் வெளியிட்டார்.

"It is great to see Indian talent [in cinema] being recognised internationally. We are no less than anybody else," என்று செய்திகளுக்கு அமீர்கான் கூறினார்.

இவ்வருடத்துடன் சேர்த்து இந்தியா மொத்தம் 5 ஆஸ்கார் விருதுகளுக்குச் சொந்தக் காரன் ஆகின்றது.

2009: AR Rahman - best original score

2009: AR Rahman and Gulzar - best original song

2009: Resul Pookutty - sound mixing

1992: Satyajit Ray - lifetime achievement

1983: Bhanu Athaiya - costume design (Gandhi)

இதேவேளை இலங்கையைப் பூர்வீகமாக கொண்ட மாயா மாதங்கி அருட்பிரகாசம் ஒஸ்கார் விருதை எட்ட முடியவில்லை. ஆயினும் ஆஸ்கார் விருதுகளில் பரிந்துரைக்கப்படுவது என்பதே மிகப்பெரிய விடையம்.

2009 ஆஸ்காரில் போட்டியிடும் திரைப்படங்கள்

2009-02-22T16:32:00.002+05:30

2009 ஆஸ்கார் இந்திய இலங்கை நேரப்படி இன்று மாலை 5 மணிக்கு ஆரம்பமாக உள்ளது. அதில் போட்டியிடும் திரைப்படங்களின் பட்டியலை இங்கே காணுக.

BEST PICTURE
The Curious Case of Benjamin Button
Frost/Nixon
Milk
The Reader
Slumdog Millionaire

BEST ACTOR
Richard Jenkins, The Visitor
Frank Langella, Frost/Nixon
Sean Penn, Milk
Brad Pitt, The Curious Case of Benjamin Button
Mickey Rourke, The Wrestler

BEST ACTRESS
Anne Hathaway, Rachel Getting Married
Angelina Jolie, Changeling
Melissa Leo, Frozen River
Meryl Streep, Doubt
Kate Winslet, The Reader

BEST SUPPORTING ACTOR
Josh Brolin, Milk
Robert Downey Jr., Tropic Thunder
Philip Seymour Hoffman, Doubt
Heath Ledger, The Dark Knight
Michael Shannon, Revolutionary Road

BEST SUPPORTING ACTRESS
Amy Adams, Doubt
Penelope Cruz, Vicky Cristina Barcelona
Viola Davis, Doubt
Taraji P. Henson, The Curious Case of Benjamin Button
Marisa Tomei, The Wrestler

BEST DIRECTOR
Danny Boyle, Slumdog Millionaire
Stephen Daldry, The Reader
David Fincher, The Curious Case of Benjamin Button
Ron Howard, Frost/Nixon
Gus Van Sant, Milk

BEST ORIGINAL SCREENPLAY
Dustin Lance Black, Milk
Courtney Hunt, Frozen River
Mike Leigh, Happy-Go-Lucky
Martin McDonagh, In Bruges
Andrew Stanton and Jim Reardon, WALL-E

BEST ADAPTED SCREENPLAY
Simon Beaufoy, Slumdog Millionaire
David Hare, The Reader
Peter Morgan, Frost/Nixon
Eric Roth, The Curious Case of Benjamin Button
John Patrick Shanley, Doubt

BEST ANIMATED FILM
Bolt
Kung Fu Panda
WALL-E

BEST FOREIGN FILM
The Baader Meinhof Complex (Germany)
The Class (France)
Departures (Japan)
Revanche (Austria)
Waltz with Bashir (Israel)

ஒஸ்கார் 2009

2009-02-22T16:27:00.002+05:30

ஓஸ்கார் விருதுகளுக்குத் தெரிவாகிய திரைப்படங்களில் வரும் காட்சிகளைத் தொகுத்து அமைத்துள்ள இந்த வீடியோவைப் பாருங்கள் அருமை.!!!

வீங்கிய முகத்துடன் றிஹானாவின் புகைப்படம் கசிந்தது

2009-02-20T20:39:00.003+05:30

பிரபல பொப் இசைப் பாடகியான றிகானாவும், பாடகரான கிரிஸ் பிறவுணும் ஒன்றாக டேட்டிங்கில் திரிந்தமை உலகறிந்த உண்மை. அண்மையில் கிரமி அவார்ட் நிகழ்வுக்கு அண்மையில் பிரவுண் றிகானாவைத் தாக்கியதாக செய்தி ஊடகங்களில் செய்தி வெளியானது.

இதை உறுதிப் படுத்தும் முகமாக பிறவுண் கைது செய்யப்பட்ட நிகழ்வும் நடந்தேறியது. வெளியே வந்த கிறிஸ்பிரவுண் தான் இதையிட்டு மனம் வருந்துவதாகச் செய்தி வெளியிட்டார்.

Brown released a statement on Sunday, which read in part, "Words cannot begin to express how sorry and saddened I am over what transpired." The statement, which did not mention Rihanna, said Brown was consulting with loved ones, his mother and pastor.

இதேவேளை இன்று TMZ எனும் சஞ்சிகை றிகானா தாக்கப்பட்ட பின்னர் எடுத்த புகைப்படத்தைப் பிரசுரித்து பலத்த பரபரப்பை ஏற்படுத்தியுள்ளது.

துன்பம் அடைந்து நொந்து இருக்கும் றிகானா விரைவில் அதிலிருந்து வெளிவந்து பல பல குடைப் பாடல்களைத் தருவார் என எதிர்பார்ப்போம்.

ஆஸ்கார் விருதுக்கு ஸ்லம் டாக் மில்லினர் : ஏ.ஆர்.ரஹ்மான் பெயர் பரிந்துரை

2009-01-23T23:19:00.001+05:30

இந்தியாவில் தயாரான ஆங்கில திரைப்படம் ஸ்லம் டாக் மில்லினர் ஆஸ்கார் விருதுக்கு பரிந்துரை செய்யப்பட்டுள்ளது. இந்த திரைப்படத்தின் இசையமைப்பாளர் ஏ.ஆர்.ரஹ்மான் பெயரும் பரிந்துரை செய்யப்பட்டுள்ளதால் பெரும் எதிர்பார்ப்பு நிலவுகிறது.

இந்தியாவில் தயாரிக்கப்பட்ட ஆங்கிலப்படமான ஸ்லம் டாக் மில்லினர், கோல்டன் குளோப் விருதுகளைப் பெற்றது. இந்நிலையில் சினிமா உலகின் தலைசிறந்த பரிசாகக் கருதப்படும் ஆஸ்கார் விருதுக்கு இந்தப் படம் பரிந்துரை செய்யப்பட்டுள்ளது. சிறந்த திரைக்கதை, படத்தொகுப்பு, ஒளிப்பதிவு உள்ளிட்ட 10 பிரிவுகளுக்கு ஸ்லம் டாக் மில்லினர் படம் பரிந்துரை செய்யப்பட்டுள்ளது. இந்த திரைப்படத்தின் இரண்டு பாடல்கள் மற்றும் சிறந்த இசையமைப்பாளர் ஆகிய 3 பிரிவுகளுக்கு ஏ.ஆர்.ரஹ்மானின் பெயர் பரிந்துரை செய்யப்பட்டுள்ளது. வரும் பிப்ரவரி மாதம் 22ஆம் தேதி ஆஸ்கார் விருதுகளுக்கான முடிவுகள் அறிவிக்கப்படும். இதுதொடர்பாக சென்னையில் நேற்று செய்தியாளர்களைச் சந்தித்த ரஹ்மான், ஆஸ்கார் விருதுக்கு தனது பெயர் பரிந்துரை செய்யப்பட்டுள்ளது தனக்கு மிகுந்த மகிழ்ச்சி அளிப்பதாக கூறினார்.

நன்றி; குமுதம்

ஹரி போட்டரை காப்பியடித்த ஹரி புட்டர்

2008-09-13T20:15:00.003+05:30

பிரபலமான ஹரி போட்டர் திரைப்படத்தைப் பின்பற்றி எடுக்கப்பட்ட பொலிவூட் திரைப்படம் ஹரி புட்டர் சட்டப் பிரைச்சனைகளில் பிடிபட்டுள்ளது.

வேர்ணர் பிரதர்ஸ் இந்த திரைப்படத்தை தடைசெய்யச் சொல்லி நீதி மன்று சென்றது. அதன் பிரகாரம் இந்த திரைப்படம் வெளிவருவதை பின்தள்ளுமாறு நீதிமன்று உத்தரவிட்டுள்ளது.

இந்திய சினிமாவில் ஹொலி்வூட் கதைகளைக் காப்பி அடிப்பது இதுதான் முதல் முறையா என்ன???

புதிய இடம் மாற்றப்பட்டது

2008-08-23T00:45:00.002+05:30

இந்த வலைப்பதிவு புதிய இடத்துக்கு மாற்றப்பட்டுள்ளது. அதாவது எனது சொந்த தளமான http://mayuonline.com இற்கு மாற்றப்பட்டுள்ளது. இனிமேல் இந்த தளத்தை http://hollywood.mayuonline.com எனும் முகவரியில் காணலாம்.

பழைய முகவரிக்கு வரும் பயனர்கள் இந்த முகவரிக்கு தானே வழிமாற்றப்படுவர் ;)

Juno (2007) விமர்சனம்

2008-07-30T21:18:00.004+05:30

தாய்மை என்பது அழகான ஒரு நிலை. பெண் தன் மொத்த வாழ்க்கைக் காலத்திலும் அழகாக இருப்பது இந்தத் தாய்மை அடையும் போதுதான் என்று சொல்வார்கள். இன்று ஜூனோ என்ற திரைப்படத்தைப் பார்த்தேன். இந்த திரைப்படம் பாடசாலையில் கல்வி கற்கும் ஒரு 15 வயது மாணவியின் கதை.

தனது பாடசாலை நண்பனுடன் உடல் உறவு கொள்வதினால் கர்ப்பம் அடைகின்றார் ஜூனோ. ஆனாலும் கர்ப்பத்தைக் கலைத்துவிட முயற்சித்து மனம் ஒத்துக்கொள்ளாமல் விட்டுவிடுகின்றார். இந்த அழகான தாய்மைப் பருவம் வயது தப்பி வருவதனால் ஏற்படும் பிரைச்சனையை இந்த திரைப்படம் அழகாக விரசம் இல்லாமல் விபரிக்கின்றது.

எங்களூரில் காதலிப்பது தெரிந்தாலே தோலுரிக்க புறப்படும் பெற்றோர் மத்தியில், அமெரிக்கப் தந்தை தன் மகள் கர்ப்பம் என்பதை சிறு அதிர்ச்சியுடன் உள்வாங்கிக் கொள்கின்றார். அத்துடன் தன் மகளின் விருப்பத்துக்கிணங்க, மகளுக்குப் பிறக்கப்போகும் குழந்தையை ஒரு தம்பதியருக்கு கொடுப்பதற்கு உதவி செய்கின்றார்.

குழந்தையை பெற்றுக் கொள்ளும் தம்பதியர் முதலில் இதில் விருப்பமாக இருந்தாலும், கணவரின் கடைசி நேர குளப்படியால் ஒரே குளப்பமாகப் போய்விடுகின்றது. இப்போது ஜூனோவின் குழந்தையை யார் பெற்றுக்கொள்வர்??? நல்ல கேள்விதான, ஆனா திரைப்படத்தைப் பார்த்துத் தெரிந்து கொள்ளுங்கள்.

குழந்தையின் உண்மைத் தந்தை, ஜூனொவின் பாடசாலை நண்பன் ஜூனொவை விட்டு வேறு ஒரு பெண்ணை வெளியே கூப்பிட்டதும் ஜூனோ அடையும் குளப்பம் அடையும் கோபம் ஏமாற்றம் எங்களையும் கலங்க வைக்கின்றது.

குடும்பங்களில் சரியான வயதில் பேசப்பட வேண்டிய விடையம் திரைப்படமாக உள்ளது. என்னைப் பெறுத்த வரையில் கட்டிளமைப் பருவத்தில் இருக்கும் அனைவரும் பார்க்க வேண்டிய திரைப்படம். சில காட்சிகள் குடும்பத்துடன் பார்க்க அருவருப்பாக இருக்கலாம், ஆனால் இப்படி எங்கள் குடும்பத்தில் நடந்து குளம்புவதை விட திரைப்படத்தைப் போட்டுக் காட்டி விடுவதே நன்று.

திரைப்படம் பார்த்து முடிந்ததும் நல்ல திரைப்படம் ஒன்று பார்த்த நிறைவு கிடைத்தது. கதையின் நாயகி யாரையோ நினைவு படுத்திக்கொண்டேயிருந்தார்....

Batman நடிகர் சிறையில்

2008-07-22T19:10:00.004+05:30

உலகெங்கும் வெளியாகி வெற்றி நடை போடும் Batman film, The Dark Knight இல் நடித்தவரான Bale பெலீசாரால் கைது செய்யப்பட்டுள்ளார். இவர் ஜரோப்பாவில் திரைப்படத்தை வெளியிட்டு சந்தைப் படுத்த சென்ற வேளையிலேயே இந்த கைது நிகழ்ந்துள்ளது.

குடும்ப உறுப்பினர் இருவரை தாக்கியதாக இவர் மேல் குற்றம் சாட்டப்பட்டுள்ளது. தற்பொது பொலீஸ் தடுப்பில் இருப்பதாகக் கூறப்படுகின்றது.

Batman film "Dark Knight"

2008-07-19T10:36:00.003+05:30

வெள்ளிக்கிழமை வெளியிடப்பட்ட பட்மான் திரைப்படம் அமெரிக்க திரையரங்குகளில் $18.5 million வசூலித்துள்ளது. இது ஒரு சாதனையாகப் பேசப்படுகின்றது. இந்த திரைப்படம் பட்மான் பிகின்ஸ் எனும் பாகத்தின் தொடர்ச்சியாக வருகின்றது.

தயாரிப்பிற்கு 180 மில்லியன் அமெரிக்க டொலர்களைச் செலவழித்துள்ளனர். முந்திய பாகம் கிட்டத்தட்ட 372 மில்லியன் டாலர்களை வசூலித்திருப்பதால் இந்தப் பாகமும் சாதனை புரியும் என்று எதிர்பார்கப்படுகின்றது.

The Number 23 (2007) திரைவிமர்சனம்

2008-07-15T13:05:00.004+05:30

எண்கள் வினோதமானவை. அவை மனிதனின் அபரிதமான வளர்ச்சியில் அரும்பங்காற்றின. எண்கள் இல்லாவிட்டால் இன்று பல கோட்பாடுகள் கொள்கைகள் இல்லாமலே போயிருக்கும். காட்டில் மனிதன் வேட்டையாடித் திரிந்திருப்பான். இவ்வாறு வினோத குணவியல்புகொண்ட இலக்கம் 23, ஒரு மனிதனின் வாழ்க்கையில் நிகழ்த்தும் நிகழ்வுகளே இந்த 23 எனும் திரைப்படம்.

வோல்டர் ஸ்பரோவ் அவனது பெயர். இவன் தொழில் நகர்பகுதியில் கட்டாக்காலியாகத் திரியும் நாய்களை பிடிப்பது. இவனது பிறந்தநாள் அன்றும் இவ்வாறு ஒரு நாய் பின்னால் சென்று அதனால் நேரம் பிந்தி அவனது மனைவியை காணச் செல்கின்றான். இவன் வரும் நேரம் பிந்தியதால் இவன் மனைவி அந்த நேரத்தில் புத்தக கடையில் ஒரு பழைய புத்தகம் ஒன்றை வாங்குகின்றாள். இரத்த சுவப்பில் எழுதப்பட்ட ஒரு மர்ம நாவல் அது அந்த நாவலின் பெயர் 23.

இந்த நாவலைப் பெறும் ஸ்பரோவ் அதனை வாசிக்கத் தொடங்குகின்றான். வாசிக்கும் போது மெல்ல மெல்ல அது தன் கதை போல இருப்பதை உணர்கின்றான். இதனை தன் மனைவி, மகனிடம் சொல்கின்றான். ஆரம்பத்தில் அவர்கள் இவன் சொல்வதை அவ்வளவாக அசண்டை செய்யாவிட்டாலும். மெல்ல மெல்ல இவன் நடத்தையில் சந்தேகம் கொள்கின்றனர்.

இந்தப் புத்தகம் ஒரு கொலைகாரனைக் கண்டறிய உதவுகின்றது. அத்த்துடன் இந்தப் புத்தகம் ஒரு தற்கொலைக் கடிதம் என்பதையும் அறிகின்றனர். தற்கொலைக் கடிதத்தை நாவலாகப் பிரசவித்துவிட்டு ஒருவன் தற்கொலை செய்கின்றான்.

இதற்கு மேல் ஒரு வரி எழுதக்கூட எனக்கு விருப்பமில்லை. நீங்களே திரைப்படத்தைப் பாருங்கள். நிசத்தில் நடக்கும் கதை, நாவலில் வரும் கதை உண்மையில் நடந்த கதை என 3 கதைகள் திரைபடத்தினுள் உள்ளடங்கியுள்ளது.

மண்டையைப் பிய்த்து பிய்து சைக்கே திரில்லர் பார்க்க விருப்பம் என்றால் இந்த திரைப்படத்தைப் பாருங்கள். நிச்சயமாக ஒரு அருமையான திரைப்பட அனுபவம் கிடைக்கும்.

Hancock ஜ விஞ்சும் Hellboy

2008-07-14T15:48:00.004+05:30

அமெரிக்காவில் ஹன்கொக் திரைப்படத்தின் வசூலை ($33m) ஹெல் போய் ($35.9m) விஞ்சியுள்ளது.

1 Hellboy II: The Golden Army - $35.9m

2 Hancock - $33m

3 Journey to the Center of the Earth - $20.6m

4 Wall-E - $18.5m

5 Wanted - $11.6m

Source: Media By Numbers

இதுவே தற்போதைய நிலை. 3டி திரைப்படமான ஜேர்னி ரு த சென்டர் ஓப் தி ஏர்த் எனும் திரைப்படமும் நல்ல வசூலை ஈட்டி வருகின்றது.

நாராயணா.... தசாவதாரம் Vs The Forgotten

2008-07-14T14:29:00.001+05:30

நாரதர் பாணியில்.. நாராயணா...!

Butterfly Effect விமர்சனம்

2008-07-11T12:04:00.003+05:30

பட்டர்ஃபிளை எபெக்ட் என்றால் ஒரு சிறிய மாற்றமும் பெரிய ஒரு மாற்றத்தை தோற்றுவிக்க கூடிய தன்மை உடையது எனும் பொருள்பட உள்ளதை விக்கிப்பீடியா மூலம் அறிந்துகொண்டேன். அதாவது வண்ணாத்திப்பூச்சி பறக்கும் எபெக்டு பெரிய சுனாமிவரக் காரணம் ஆகலாமாம்... ஹி..ஹி..

இந்தப்பெயரில் அமைந்த திரைப்படம் பாகம் 1 மற்றும் பாகம் இரண்டு வெளிவந்துள்ளது விரைவில் பாகம் 3 வெளிவர உள்ளது.

அண்மையில் பாகம் ஒன்றை DVD இல் பார்க்க கிடைத்தது. அருமையான திரைப்படம். பார்த்து முடித்ததும் மனம் எல்லாம் கனமாகிவிட்டது. கதை இதுதான்... ...

ஒரு சிறுவனுக்கு அடிக்கடி அவனை சுற்றி நடப்பது மறந்துவிடுகின்றது. அதாவது, ஏதாவது ஒரு செயலைச் செய்ய தொடங்குவான் பின்னர் என்ன நடந்த்து என்பது அவனுக்குத் தெரியாது. உதாரணத்திற்கு ஒரு தடவை ஆசிரியர் படம் கீறச் சொல்கின்றார், படம் கீற ஆரம்பிப்பது மட்டுமே அவனுக்கு ஞாபகத்தில் இருக்கின்றது. சிறிது நேரத்தில் ஒருத்தன் பலரை கத்தியால் குத்திக் கொலை செய்தது போன்ற ஒரு படத்தை வரைந்திருந்தான். இது பற்றி அவனுக்கு எதுவும் நினைவில் இல்லை என்பது குறிப்பிட வேண்டிய நிகழ்வு.

இது போன்ற நிகழ்வுகளில் ஞாபகம் தவறாது இருக்க, அன்றாடம் நடப்பவற்றை ஒரு குறிப்பாக எழுதிப்பேணி வருகின்றான்.

சிறிது காலம் கடந்து பல்கலை செல்லும் இந்தப் பெடியன் அங்கு ஒருநாள் சிறுவயதில் தான் எழுதிய நிகழ்வுகளை மீள எடுத்து வாசிக்கத் தொடங்குகின்றான். அதன் போது அவனுக்கு அனைத்தும் ஞாபகத்திற்கு வரத் தொடங்குகின்றது. அத்துடன் அந்த நிகழ்வு நடந்த பழைய காலத்திற்கு செல்ல கூடிய சக்தியும் ஏற்படுகின்றது. இந்த சக்தி மூலம் சிறுவயதில் நடந்த சில சில நிகழ்வுகளை இவன் மாற்றுகின்றான். சிறுவயதில் மாற்றிய சிறு நிகழ்வும் நிகழ்காலத்தில் பெரியளவு மாற்றத்தை ஏற்படுத்தி விடுகின்றது. அதாங்க பட்டர்ஃபிளை எபெட்டு.

இவனை சுற்றியுள்ளோருக்காக ஒவோரு தடவையும் இவன் பழைய காலத்திற்கு சென்று ஒரு மாற்றத்தை ஏற்படுத்தும் போது அது நிகழ்காலத்தில் மிக மோசமான விளைவுகளை ஏற்படுத்துகின்றது.

ஹொலிவூட் காரர்கள் தமக்கே உரிய பாணியில் திரைப்படத்தை எடுத்துள்ளனர். அருமையான ஒரு Sci-fi திரைப்படம். இரண்டாம் பாகம் விரைவில் பார்க்க வேண்டும்.

வில் ஸ்மித்தின் Hancock (2008) திரையரங்குகளில்

2008-07-08T18:41:00.002+05:30

பிரபல ஹொலிவூட் நடிகரான வில்ஸ்மித்தின் திரைப்படம் இப்போது உலகம் எங்கும் நல்ல வசூலை அள்ளிக்கொண்டிருக்கின்றன. கதை ஒரு அனுமாஷ்ய சக்தி படைத்த ஒருவரின் கதையாம். ஏற்றியும் தூற்றியும் திரைவிமர்சனங்கள் பல பக்கங்களால் வந்துகொண்டிருந்தாலும் வசூலில் கடும் சாதனையாம்.

திரைப்பட வரிசைப்படுத்தலில் அமெரிக்காவில் இந்த திரைப்படம் முதலில் உள்ளது. ஆனாலும் கடந்த வருடம் இந்நேரம் வெளியிடப்பட்ட ட்ராஸ்போமர்ஸ் திரைப்படத்திலும் பார்க்க இந்த திரைப்படம் குறைவாகவே வசூல் செய்துள்ளது.

Quantum of Solace - புதிய 007 திரைப்படம்

2008-07-01T12:06:00.002+05:30

யுகேயில் அக்டோபர் 31ம் திகதி இந்த திரைப்படம் வெளியடப்படவுள்ளது. அமெரிக்காவிலும் உலகெங்கும் இதை தொடர்ந்து வெளியிடப்படும் என்று எதிர்பார்க்கப் படுகின்றது.

திரைப்படத்திற்கான ட்ரெயிலர் உத்தியோக பூர்வமாக வெளியிடப்படமுன்னரே இணையத்தில் யூடியூப் போன்ற தளங்களில் வெளியாகிவிட்டது.

முந்தய பொண்ட் திரைப்படமான கசினோ ரோயலுடன் தொடர்புள்ளதாக இருப்பதுடன், விமானம், கார், விசைப்படகு என பல துரத்தல் காட்சிகளும் திரைப்படத்தில் இருப்பதை ட்ரெயிலர் ஊடாக காணக்கூடியதாக உள்ளது.

21 (2008) விமர்சனம்

2008-06-30T16:15:00.004+05:30

அதி புத்திக் கூர்மையுள்ள ஆறு M.I.T மாணவர்களை சுற்ற நடக்கும் கதையிது. பென் கம்பெல் எனும் மாணவன், ஹாவாட் மருத்துவ பாடசாலையில் சேர்ந்து படித்து எதிர்காலத்தில் வைத்தியராக விரும்புகின்றான். இதற்காக பலமாக படிப்பில் கவனம் செலுத்தி அதிக திறமையுள்ள மாணவனாகின்றான். சாதாரண குடும்பத்தில் பிறந்த பென் கம்பெலுக்கு 300,000 செலுத்தி ஹவார்ட் பாடசாலையில் சேர்வது கனவாகின்றது. ஆகவே அதற்காக ஒரு புலமைப் பரிசிலுக்கு முயற்சிக்கின்றான். ஆயினும் வித்தியாசமான வழமைக்கு மாறான ஒரு மாணவனுக்கு அந்த புலமைப்பரிசிலை வழங்கவே ஹவார்ட் நிர்வாகம் முயற்சிக்கின்றது.

இவனது கணித அறிவினால் கவரப்படும் மிக்கி ரோசா எனும் பேராசிரியர் இந்த மாணவனை ஒரு சிறிய 5 மாணவர்களைக் கொண்ட ஒரு கழகத்திற்கு அறிமுகம் செய்து வைக்கின்றார். இந்த குழு மைக்கினால் வழி நடத்தப்படுவதுடன், சூதாட்டத்தில் பணம் செய்வதை நோக்காக கொண்டது. முதலில் மறுத்தாலும் ஹவார்ட் நுழைவுக்குத் தேவையான பணத்தை ஈட்ட இந்த கழகத்தில் பென் இணைந்து கொள்கின்றான்.

முதலில் ஹவார்ட் பணத்திற்காக லாஸ் வெகாஸ் சென்று சூதாடினாலும் (card counting at blackjack) நாளடைவில் சூதாட்டத்தில் அவன் மனம் ஒன்றி அதில் முழுக் கவனம் செலுத்துகின்றான். இவர்கள் 6 பேரும் சேர்ந்து பெரும் பணம் செய்கின்றனர். இவர்கள் சம்பாதிக்கும் பணத்தில் 50 வீதம் இவர்களை இந்த இடத்திற்கு கொண்டுவந்த பேராசிரியருக்கு கொடுக்க வேண்டும் என்பதே பேராசிரியரின் கட்டளை.

ஆரம்பத்தில் எல்லாம் நன்றாகச் சென்றாலும் பேராசிரியர் மைக்குடன் சச்சரவு ஏற்பட்டு பென் அந்த கழகத்தில் இருந்து நீக்கப்படுகின்றான். அத்துடன் அதுவரை அவன் தன் ஹவார்ட் படிப்பிற்காக சேர்த்திருந்த பணத்தையும் மைக் களவாடி விடுகின்றான்.

இதன் பின்னர்தான் கதையின் முக்கியமான நிகழ்வுகள் நடக்கின்றன. படத்தை நீங்கள் பார்த்து என்ன நடந்தது என்பதை அறிந்து கொள்ளுங்கள்!

திரைப்படத்தில் லவ்ஸூ எல்லாம் இல்லையா என்று நீங்கள் கேட்பது கேட்கின்றது. அது இல்லாமலா? நிச்சயமாக இருக்கின்றது. பென்னிற்கு ஒரு காதலி கிடைக்கின்றார். அதே குளாமில் உள்ள ஒரு பெண்.

ஹவார்ட், MIT எல்லாம் எங்களுக்கு எட்டா உயரத்தில் உள்ள உலகத் தரத்திலான பல்கலைக் கழகம் அவற்றை திரைப்படத்திலாவது பார்க்கும் வாய்ப்பு கிடைத்ததே!!!

அமைதியான ஆர்ப்பாட்டம் இல்லாத, இறுதியில் மூக்கின் மேல் விரல் வைக்க தூண்டும் திரைப்படம்.

ஹல்க் 2 திரையரங்குகளில்

2008-06-30T13:03:00.000+05:30

அண்மையில் ஹல்க் 2 திரைப்படத்தைப் பார்த்தேன். அருமை. அளவிற்கு மிஞ்சி கோவப்படும்போது உருமாறி இராட்சதனாக மாறும் ஒரு மனிதனின் கதை!!!

ஹல்க் 2 விமர்சனம், விமர்சனம் தளத்தில் உள்ளது வாசித்து பயனடைக ;)

புதிய X-Files திரைப்படம் விரைவில்

2008-06-23T13:37:00.000+05:30

இரசிகர்களால் அதிகம் எதிர்பார்க்கப்பட்ட எக்ஸ்-ஃபைல்ஸ் திரைப்படம் 25 ஜூலை, 2008 வெளியாக உள்ளது. அண்மையில் அமெரிக்காவில் நடைபெற்ற லெஸ் ஏஞ்சல்ஸ் திரைப்பட விழாவில் இந்த திரைப்படத்தின் சில காட்சிகள் போட்டுக் காட்டப்பட்டன.

அனைவரது விருப்பமான பாத்திரங்களான ஸ்களி, மேல்டர் ஆகிய இருவரும் இருக்கின்றனர். இரசிக உள்ளங்களுக்கு இது ஒரு விருந்தாக அமையும் என்று எதிர்பார்க்கப்படுகின்றது.

திரைப்பட தயாரிப்பாளர் காட்டர், இந்த திரைப்படம் வெற்றி அளித்தால் இரசிகர்கள் அடுத்த பாகத்தையும் எதிர்பார்க்கலாம் என்று கூறியுள்ளார்.

சர்ச்சையைக் கிளப்பும் The Love Guru

2008-06-21T18:21:00.000+05:30

இந்த படத்தில் இந்து மதக் குருக்களை கேவலமாக காட்டியுள்ளதாக சல சலப்பு எழுந்துள்ளது. ஆயினும் அனைத்து பிரைச்சனைகளையும் தாண்டி திரைப்படம் திரையிடப் பட்டுள்ளது.

இது போன்ற திரைப்படங்களால் இந்து மதத்தின் உண்மையான தோற்றம் மாற்றப்படுவதுடன், இந்து மதம் பிழையாக புரிந்துகொள்ளப்பட்டுள்ளதாகவும் இந்து மத தலைவர்கள் கவலை தெரிவித்துள்ளனர்.

திரைப்படத்தைப் பார்த்த பலரும் திரைப்படம் அவ்வளவு நல்லாக இல்லை என்று கூறியுள்ளனர். Roger Ebert எனும் திரைவிமர்சகர் இந்த திரைக்கதையை கழிவறையில் எழுதுவதற்குத்தான் லாயக்கு என்றும் எழுதியுள்ளார்.

Indiana Jones and the Kingdom of the Crystal Skull விமர்சனம்

2008-06-12T21:40:00.000+05:30

நேற்று கொழும்பு மஜஸ்டிக் சினிமாவில் இந்த திரைப்படத்தைப் பார்த்தேன். கல கலவென ரஜனி திரைப்படம் பார்ப்பது போல இருந்தது. இக் கதை 1950 களில் நடப்பது போல எடுக்கப்பட்டுள்ளது. ரசிய இரகசிய உளவாளிகள் இந்தியானா ஜோன்ஸைப் பயன்படுத்தி அதிசய சக்தியை பெற முயல்கின்றனர். அவர்கள் அதைப் பெற்றார்களா இல்லையா என்பதுதான் மிகுதிக் கதை.

திரையரங்கில் ஒரே குழந்தைகளாக இருந்தது, குழந்தைகளுடன் குழந்தையாக நானும் இருந்து திரைப்படத்தைப் பார்த்தேன். காட்சிக்கு காட்சி விறு விறுப்பாக நகர்வதுடன், மிக முக்கியமாக கதிரை நுனியில் உட்கார வைக்கும் காட்சியில் கூட காமெடி கலந்து கலக்கியிருக்கிறார்கள்.

குடும்பமாக சென்று வார இறுதியில் பார்க்க நல்ல திரைப்படம் ஒன்றைத் தேடுகின்றீர்கள் என்றால், இந்த திரைப்படத்தைப் பார்க்கத் தவறாதீர்கள்.

Cloverfield திரைப்பட விமர்சனம்

2008-05-28T00:38:00.000+05:30

உங்கள் கையடக்க் வீடியோ கமிரா மூலம் எடுக்கும் வீடியோ திரைப்படமானால் எப்படியிருக்கும். Cloverfield எனும் திரைப்படம் அப்படிப்பட்டதே.

ஒருவர் ஜப்பான் போகின்றார், அவருக்கு ஒரு விருந்துபசார வைபவம் நடைபெறுகின்றது. இதில் இருந்து வீடியோ எடுக்கத் தொடங்குகின்றார் ஒருத்தர். கையடக்க கமிராவில் பிரியாவிடை நிகழ்வை படமாக்கத் தொடங்குகின்றார். இதில் அங்கு நடக்கும் அனைத்தையும் படமாக்கும் இவர், திடீர் என்று நிவ்யார்க் நகரத்தில் நடக்கும் திடுகிட வைக்கும் நிகழ்வுகளையும் படமாக்குகின்றார். குறிப்பாக சுதந்திரச்சிலையின் தலை பறந்துவந்து இவர்கள் இருக்கும் இடத்தில் விழுதல்.

தீடீர் என்று அமெரிக்க ஜெட் விமானங்கள் பறக்கின்றன. எதையோ துரத்தி துரத்தித் தாக்குகின்றன. அமெரிக்க இராணுவ வீரர்கள் மக்களை வெளியேற்றும் பணியில் ஈடுபடுகின்றார்கள். தரை, வான் எனப் பலவழிகளிலும் அமெரிக்க இராணுவம் தன் பலத்தை எல்லாம் பிரயோகிக்கின்றது. என்ன என்று அறியாமல் அலைபாயும் மக்கள் அவர்களுடன் அலைந்து திரியும் இந்த கமிரா காரன். என்று கதை விறுவிறுப்பாக நகர்கின்றது.

சுரங்கம் வழியாக, வீதிகள் ஊடாக, ஹெலி மூலம் என்று பல்வேறு வழிகளில் தப்ப முயற்சிக்கும் இவர்களும் இவர்களுன் விளையாடும் விதியும் கதிரை நுனியில் இருந்து திரைப்படத்தைப் பார்க்க வைக்கின்றது. கையில் இருக்கும் கமிராவினால் படம் எடுக்கப்படுவது போல பாவனை செய்ததால் திரையில் காட்சிகள் ஆடிக்கொண்டே இருக்கும். சிலருக்கு அதைப் பார்த்தால் தலை சுத்தலாம். அதுக்கெல்லாம் நான் பொறுப்பேற்க முடியாது.

ஒரு பழைய வீடியோ டேப்பின் மேல் புதிய வீடியோவைப் பதிகின்றதாகவே திரைப்படத்தில் காட்டப்படுகின்றது. ஆகவே சில இடங்களில் இடையிடையில் பொருத்தமாக பழைய டேப்பின் பதிவுகளும் வருகின்றன. இதன் மூலம் பிளாஷ் பாக்கை மிகத் திறமையாக உட்புகுத்தியுள்ளனர்.

இவர் கமிராவில் நடக்கும் நிகழ்வுகள் அனைத்தும் பதியப்படுகின்றது. என்ன நடக்கின்றது என்பதைப் பற்றி நான் கூறப் போவதில்லை ஆனால் எப்படித்தான் இப்ப்படியெல்லாம் சிந்திக்கின்றார்களோ தெரியாது.

இந்த திரைப்படத்தை மிக இரகசியமாக எடுத்து திரையிட்டார்களாம். எங்கள் தசாவதாரம் போல திரைக்கதை முதலியவை வெளிவராமல் இருக்க மிகுந்த பிராயத்தனம் எடுத்தனராம். குறிப்பாக நடிகர்கள் தேர்வுசெய்யும் போதுகூட, திரைப்படத்துக்குப் பொருத்தமில்லாத சம்பந்தம் இல்லாத வசனங்களைப் பேச வைத்து நடிகர்களைத் தெரிவுசெய்தனராம்.

Sci-fi, Aciton திரைப்பட இரசிகர்களுக்கு நல்ல விருந்து. வித்தயாசமான முயற்சிகளைப் பார்த்து இரசிப்பவராக இருந்தாலும் இந்த திரைப்படத்தை நீங்கள் இரசிப்பீர்கள்.

The Hobbit திரைப்படம் விரைவில்

2008-05-01T10:47:00.000+05:30

Image by dolanh via FlickrLord of the Rings கதாசிரியரின் இன்னுமொரு நாவலான The Hobbit விரைவில் திரைப்படமாக வெளிவர உள்ளது. உண்மையில் இந்தக் கதை LOTR இல் வரும் நாயகன் புரோடோவின் உறவினரான பில்போ பாக்கின்சின் வீர விளையாட்டுக்களை உள்ளடக்கியது. இந்தக் கதையிலேயே அவர் கொலமிடம் இருந்து அந்த மந்திர மோதிரத்தை எடுக்கின்றார்.

இந்த திரைப்படத்தில் LOTR இல் கன்டால்ப் ஆக நடித்த பிருத்தானிய நடிகர் McKellen மீண்டும் கன்டால்ப்பாக நடிக்க உள்ளார்.

2009 ல் படப்பிடிப்பு ஆரம்பிக்க உள்ளது. முதல் பாகம் 2010 இலும் இரண்டாம் பாகம் 2011 இலும் முறையே வெளிவரும் என்று எதிர்பார்க்கப்படுகின்றது.

IRON MAN வருகின்றார்

2008-04-12T13:35:00.000+05:30

IRON MAN என்கிற இந்த திரைப்படம் வரும் மே மாதம் முதலாம் திகதி உலகம் எங்கும் வெளியாக உள்ளது. இது ஸ்பைடர்மான், பன்டாஸ்டிக் போர், போன்ற திரைப்படங்களைப் போல மார்வல் கொமிக்ஸை தழுவி எடுக்கப் பட்டுள்ளது.

13 : The Last Samurai (2003) (திரைவிமர்சனம்)

2008-03-27T10:54:00.000+05:30

சாமுறாய் பற்றி தெரியாமல் யாரும் இருக்க முடியாது. இவர்கள் ஜப்பானிய அரச பரம்பரையின் விசுவாசமான காவலர்கள். இவர்களின் கலைகள் பாரம்பரியங்கள் மிகவும் வினோதமானது என்பதைவிட மிகவும் பயங்கரமானது என்று கூடச்சொல்லலாம். இந்தத் திரைப்படத்தின் கதை கூட இந்தப் பாரம்பரிய வீரர்களின் நேர்மை, ஒழுக்கம், கட்டுப்பாடு என்பவற்றை துல்லியமாகக் காட்ட முனைகின்றது.

They say Japan was made by a sword. They say the old gods dipped a coral blade into the ocean, and when they pulled it out four perfect drops fell back into the sea, and those drops became the islands of Japan. I say, Japan was made by a handful of brave men. Warriors, willing to give their lives for what seems to have become a forgotten word: honor.

மேற்கண்ட நரேஷனுடன் திரைப்படம் ஆரம்பமாகின்றது.....

இந்த திரைப்படத்தின் கதையில் செவ்விந்தியருடன் போராடிப் பல களங்களில் வெற்றி பெற்ற அமெரிக்க கப்டனான நாதன் அல்கரென் (Tom Cruise) என்பவரைக் காட்டுவதுடன் ஆரம்பமாகின்றது. இவர் பல களங்களில் பாரம்பரிய செவ்விந்தியர்களைக் கொன்றதுடன் அதனால் மனரீதியாக கடுமையாக உளைச்சல் அடைகின்றார். குறிப்பாக செவ்விந்தியக் குளந்தைகள் பெண்கள் போன்றவர்களை கட்டளையை நிறைவேற்றும் ஒரே நோக்கத்துடன் கொன்றமை இவரின் மனதில் ஆறாத வடுவாக மாறி தினமும் கெட்ட கனவுகளைக் காணுமளவிற்கு வழிசமைத்தது. இதனால் இதிலிருந்து விடுபட பெரிய குடிகாரராக இவர் மாறிவிட்டிருந்தார்.

இதே வேளை ஜப்பானிய அரசு மேலைத்தேய கலாச்சாரத்தை உள்வாங்கி தமது புதிய படைகளை அமைக்க முயல்கின்றது. இதற்குப் பயிற்சி அளிக்கும் வாய்ப்பு இந்த அல்Gரன்னிற்கு கிடைக்கின்றது. அதாவது கூலிக்கு மாரடிக்கும் ஒரு வீரனாக அல்கரன் ஜப்பானிற்குச் செல்கின்றார்.

ஆயினும் இந்த முயற்சியானது ஜப்பானின் பாரம்பரிய நெறிமுறைகளைக் குழிதோண்டிப் புதைத்து விடுவதுடன் காலாகாலமாக மன்னனிற்கும் மண்ணிற்கும் தம்மை அர்ப்பணித்துப் பணியாற்றி வந்த சாமுறாய்களை புறக்கணிப்பதாகவும் அமைந்தது. இது சாமுறாய்களிற்கு பெரும் மனவேதனையாகவும் ஏமாற்றமாகவும் இருக்கவே இவர்கள் ஜப்பானிய அரசனிற்கு எதிராக புரட்சி செய்யத் தலைப்படுகின்றார்கள்.

இதே வேளையில் ஜப்பான் சென்ற அல்Gரன் மற்றும் பல அமெரிக்கர்கள் சாமுராய்களை எதிர்க்க ஜப்பானிய தேசியப் படைக்கு பயிற்சி அளிக்கின்றார்கள். பயிற்சி நிறைவேறும் முன்னரே சாமுராய்களை எதிர்க்க இந்தப் படையைப் பயன்படுத்த மேலிடம் முடிவு செய்கின்றது. அல்Gரன் இதை கடுமையாக எதிர்த்தபோதும் கட்டளைக்குப் பணிய வேண்டிய ஒரு சிப்பாயாக இந்தக் கட்டளையை ஏற்று அரசனின் படையை மூடு பனி நிறைந்த காட்டுப் பாதையில் வழி நடத்திச் செல்கின்றார். இங்கேதான் எதிர்பார்க்காத சம்பவம் நடைபெறுகின்றது.

திடீரென வரும் சாமுராய்கள் வெறி பிடித்தவர்கள் போல ஜப்பானியப் படையிரரைத் தாக்குகின்றனர். கொஞ்சமும் பயிற்சி இல்லாத ஜப்பானியப் படையினர் அல்ரெனின் கட்டளைப் படி நடக்காமல் தம் இஷ்டத்திற்கு ஒடுகின்றனர். இதன் போது அலரெனின் அமெரிக்க நண்பர் இறப்பதுடன் அல்Gரென் சில சாமுறாய்களால் சூழப்படுகின்றார். தன்னால் இயலுமானவரை கடுமையாக போரிடும் அல்ரென் இறுதியில் சோர்ந்து நிலத்தில் விழவே சாமுறாய் தலைவரான கட்ஷூமோட்டோவால் சிறையெடுக்கப்பட்டு அவர்களது தொலை தூரக் கிராமத்திற்கு அழைத்துச் செல்லப்படுகின்றார். இந்தச் சண்டையில் சாமுறாய்கள் பாரம்பரிய முறைகளையே பயன்படுத்துகின்றனர் அதாவது வாள் ஈட்டி, அம்பு வில் என்பனவே. ஜப்பானியப் படையிடம் நவீன அமெரிக்கத் தயாரிப்பு ஆயுதங்கள் இருந்தும் அவர்களால் சாமுராய்களை எதிர்க்க முடியவில்லை.

தொலைதூரக் கிராமத்தில் சிறைப்படும் அல்Gரன் சாமுறாய்களின் வாழ்க்கை முறைகளைப் பார்த்து ஆச்சரியப்படுகின்றார். அத்துடன் மெல்ல மெல்ல சாமுறாய்களின் போர்க்கலையுடன் தன்னையும் ஈடுபடுத்திக்கொள்கின்றான். இவனை முதலில் அடித்து வீழ்த்தியவரிடமே வாள் பயிற்சி எடுக்கும் சந்தர்ப்பத்தைப் பெற்றுக் கொள்கின்றான் அல்Gரன். இவர்களின் நேர்மை, கட்டுக்கோப்பு, நியாயம், தியாகம் என்பவற்றைப் புரிந்து கொள்கின்றான். சாமுறாய்களின் தலைவனான கட்ஷூமோட்டோவின் நல்ல நண்பனாகவும் மாறுகின்றான்.

இதே வேளையில் கதையில் மெல்ல மெல் இளகிய காதலும் இங்கு இழையோடுகின்றது (இது இல்லாமல் ஒரு படம் எடுக்க மாட்டேங்கிறாங்களே!). கட்ஷூமோட்டோவின் சகோதரியின் பராமரிப்பிலேயே காயபப்பட்ட அல்Gரன் இருக்கின்றான். இவளின் துணைவனைக் களத்திலே கொன்றது அல்Gரன் தான். முதலில் அல்Gரன் மீது கடும் வெறுப்பிருந்தாலும் இருவரும் இறுதியில் ஒருவரை ஒருவர் நேசிக்கின்றனர் குறிப்பாக இவளின் மூத்த குளந்தையும் அல்Gரன் மேலே அளவு கடந்த பாசம் வைக்கின்றது. இவர்களின் காதல் அவ்வளவு விளக்கமாகக் காட்டப்படாவிட்டாலும் படிப்படியாக வளர்வதைக் காட்டியுள்ளார்கள்.

இறுதியில் சாமுறாய்களும் நன்கு பயிற்றுவிக்கப்பட்ட புதிய ஜப்பானியப் படைகளும் மோதுகின்றன. முடிவை விமர்சனத்தில் சொல்வது அழகல்லவே அதனால் நான் சொல்லவில்லை ஆயினும் திரைப்பட முடிவு கண்கலங்கவைக்கும் காட்சிகள் நிறைந்தது. அத்துடன் கதிரையின் நுனியில் உட்காரவைக்கும் கடும் யுத்தக் காட்சிகளும் நிறைந்தது. அடிப்படையில் விவசாயம் செய்தவர்களான ஜப்பானியப் படையினர் இறுதிக் கட்டத்தில் தலைசாய்த்து வீழ்ந்த சாமுராயை வணங்குவது உணர்ச்சிப் பிழம்பான கட்டமாகும்.

நடிப்பைப் பொறுத்தவரையில் டாம் குறூஸ் மற்றும் கட்ஷூமோட்டாவாக நடித்த (Ken Watanabe) அதைவிட கட்ஷூமோட்டோவின் சகோதரியாக நடித்த (Koyuki), ஆகியோர் சிறப்பாக நடித்துள்ளனர்.

இத் திரைப்படத்தில் ஜப்பானியர்களின் கலாச்சாரத்தை இயன்றவரை சிறப்பாகப் படமாக்க முயன்றுள்ளர்கள். ஜப்பானிய வீடுகள் பிரித் ஓதும் பிக்குகள், பெளத்த விகாரைகள், மாளிகைகள், ஜப்பானியத் துறைமுக நகரம் போன்றவை சிறப்பாக வடிவமைக்கப்பட்டுள்ளன.

ஆக மொத்தத்தில் ஆங்கிலப்படம் ஒன்று பார்க்கும் ஆவல் ஏற்பட்டால் பார்த்து இரசிக்கக் கூடிய படங்களில் ஒன்று. பார்ப்பவர்களை இந்தப்படம் ஏமாற்றாது என்று நான் உறுதி வழங்குகின்றேன்.

BEOWULF - விமர்சனம்

2008-03-15T22:53:00.000+05:30

BEOWULF என்ற திரைப்படத்தைப் பார்க்க கிடைத்தது. படம் பார்த்துக் கொண்டு இருக்கும் போதுதான் திடீர் என்று உறைத்தது, அட.. இது அனிமேஷன் திரைப்படம். என்னானாலும் பார்ப்பது என்ற முடிவுடன் பார்த்தேன். திரைப்படம் முடிந்த பின்னர் யோசித்துப் பார்த்தால், ஒரு அனிமேஷன் திரைப்படம் பார்த்த உணர்வே இல்லை. ஏதோ உண்மையான திரைப்படத்தைப் பார்த்த உணர்வே மேலோங்கி இருந்தது.

கதை அம்புலிமாமா கதைதான். ஒரு ஊரில் ஒரு இராட்சத ஜந்து இருக்கின்றது. அது ஊருக்குள் புகுந்து கொலைகளைச் செய்கின்றது, மனிதரை சப்பி சப்பிச் சாப்பிடுகின்றது. இதை தடுக்க முடியாமல் மன்னன் கலக்கமடைந்து இருக்கின்றார்.

வழமைபோல ஜந்தை அடக்க கடல்தாண்டி வருகின்றார் நாயகன் பியோவூல்ஃப். ஒருநாள் இரவு ஜந்தை மடக்கி அதனுடன் சண்டைபோட்டு அந்த ஜந்தை வெற்றிகொள்கின்றார். இதனால் கோவம் அடையும் அந்த ஜந்தின் தாயார், ஊரினுள் புகுந்து அங்கிருந்த பியோவூல்ஃப்இன் வீரர்களை கொலை செய்கின்றது.

தாய் ஜந்தை பழிவாங்க அதன் குகைக்குள் நுழையும் பியோவூல்ஃப் அங்கே ஒரு வீரன் செய்ய்க் கூடாத செயல்களை செய்வதுடன், எதிர்காலத்தில் தன்னை பெரிய அரசனாக மாற்ற சந்தர்ப்பத்தை ஏற்படுத்திக் கொள்கின்றார். இதையறியாத மன்னன் இவரை அரசனாக்குவதுடன் தன்னை மாய்த்துக் கொள்கின்றான்.

காலம் ஓடுகின்றது, மீண்டும் இவரால் உருவான புதிய ஜந்து ஒன்று (இம்முறை ட்ரகன்) ஊரினுள் புகுந்து அட்டகாசம் செய்கின்றது. இதை தற்போதைய மன்னனான பியோவூல்ஃப் எதிர்க்கின்றார். என்ன ஆனது என்பதுதான் மிகுதிக் கதை.

அனிமேஷன் அட்டகாசமாக இருக்கின்றது. அதைவிட அம்மா ஜந்து உண்மையில் ஒரு அழகான பெண். இதில் அஞ்சலீனா ஜூலி அந்தப் பாத்திரத்தை நடித்துள்ளார்.

குளந்தைகள் விரும்பி பார்க்கூடி திரைப்படமாயினும், அவர்களை திடுக்கிட வைக்கும் காட்சிகளும் இருக்கின்றது. PG 13 என்று தரப்படுத்தியிருக்கின்றார்கள். சிறுவர் போல மனம் கொண்டவர்களும், அனிமேஷனில் மனதைப் பறிகொடுத்திருப்பவர்களும் இந்த திரைப்படத்தைப் பார்க்கலாம்.

அனிமேஷனில் இத்தனை வித்தைகள் செய்யலாம் என்று கலக்கியிருக்கின்றார்கள். ஜந்துகளுடனான யுத்தம் புல்லரிக்க வைக்கின்றது.

பார்க்க சந்தர்ப்பம் கிடைத்தால் கட்டாயம் பாருங்கள்.

I Am Legend - மாற்று முடிவு (Robert Neville உயிருடன் இருக்கின்றார்!)

2008-03-13T08:53:00.000+05:30

I Am legend திரைப்படம் மார்ச் 13 DVD ஆக வந்தடைய உள்ளது. இதில் திரைப்படத்திற்கு புது முடிவு சேர்த்துள்ளார்களாம்!!! நீங்கள் அந்த முடிவைப் பார்க்க விரும்பினால் இந்த யூடியூப் வீடியோவைப் பாருங்கள்

10,000 BC

2008-03-07T19:18:00.000+05:30

இந்த திரைப்படம் தமிழகம் உட்டபட உலகத் திரையரங்களில் வெளியாகியுள்ளது. தன் காதலியையும், இனத்தையும் காப்பாற்ற பல இடர்களைக் கடந்து செல்லும் ஒரு காதலின் கதையாம். அதைவிட நாயகன் ஒரு மமொத் வேட்டைக்காரனாம்.

தமிழகத்தில் தமிழில் வெளிவருகின்றது. வழமைபோல இலங்கையில் வெளிவரவில்லை!

10000 BC ரெயிலர்

Bee Movie, IT

2008-03-04T12:20:00.000+05:30

பீ மூவி சிறுவர்களுக்கான அனிமேஷன் திரைப்படமாகும். பீ மூவி திரைப்படத்தின் விமர்சனம் காண விமர்சனம் வலைப்பதிவு செல்க.

IT என்ற பெயரில் ஸ்டீபன் கீங் எழுதிய நாவலின் திரையாக்கம். IT விமர்சனத்தையும் விமர்சனம் தளத்தில் காண்க.

ஒஸ்கார் விருதுகள்

2008-02-26T00:15:00.000+05:30

இங்கே சென்று இம்முறை ஒஸ்காரை அள்ளியவர்களைக் காண்க. வெற்றி பெற்றவரை பெட்டியிட்டுக் காட்டியுள்ளார்கள்.

வேற்று நாட்டுக்கான திரைப்படமாக ஆஸ்திரியத் திரைப்படம் தெரிவு செய்யப்பட்டுள்ளது.

இவர்கள் சொல்கின்றார்கள்

2008-02-24T11:32:00.000+05:30

இருமுறை ஒஸ்கார் விருது வென்ற டொம் ஹாங்க் ஒஸ்கார் பற்றி சொல்கையில்

"Eat healthy, get some exercise, get some good sleep--and pay no attention to the print media."

ஒஸ்கார் விருதுக்கு பரிந்துரைக்கப்பட்ட சிலர் என்ன சொல்கின்றார்கள் என்பதை இந்த சுட்டியைக் சொடுக்கி சென்று பாருங்கள்!

காண்க

கி.மு 10,000

2008-02-21T09:58:00.000+05:30

கி.மு 10000 ம் ஆண்டில் நடப்பது போல ஒரு திரைப்படம் எடுத்து வருகின்றார்கள். இதில் வரும் காட்சிகள் அருமையாக உள்ளது. ரெயிலரைக் காணுங்கள். மார்ச் 7 ம் திகதி உலகத் திரையரங்குகளில் இந்த திரைப்படம் திரையிடப்பட உள்ளது.

ஆங்கிலத் திரைப்பட விமர்சனங்கள்

2008-02-19T23:32:00.000+05:30

பின்வரும் திரை விமர்சனங்களை என் தமிழ் வலைப்பதிவில் காணுங்கள்!

அன்புடன்,
மயூரேசன்

23 : The Departed - விமர்சனம்.

2007-03-29T22:34:00.000+05:30

டூம், போக்கிரி போன்ற சாதாரண இந்திய பொலீஸ், திருடன் திரைப்படங்களைப் பார்த்து புளித்துப் போனவர்கள் மாற்றாக இந்தத் திரைப்படம் த டிப்பார்ட்டட் ஐப் பார்க்கலாம். நான்கு ஒஸ்கார் விருதுகளைத் தட்டிய திரைப்படம் என்பதால் சுவாரசியத்துக்கு குறைவிருக்கும் என்று சந்தேகப் படத்தேவையில்லை. ஆஸ்காரிற்கு அப்பால் சுமார் 40 விருதுகளை இந்தத் திரைப்படம் அள்ளியுள்ளது.

உண்மையில் இந்தத் திரைப்படம் ஒரு ஹாங் ஹாங் திரைப்படத்தின் (WuJianDao – Internal Affair) மீளாக்கமாகும். ஆயினும் அத் திரைப்படத்தை விட இது சிறப்பாக இயக்கப்பட்டுள்ளதாக ஹாலிவூட் வட்டாரங்கள் தெரிவிக்கின்றன.

திரைப்படத்தின் நாயகன் நான் அறிமுகப் படுத்தத் தேவையில்லாதவர். அவர்தான் டைட்டானிக் நாயகன் லியனார்டோ டிக்காப்பிரியோ. படிப் படியாக உயர்ந்து நடிப்பில் தடம் பதித்து வருகின்றார் டிக்காப்பிரியோ.

பாஸ்டன் நகரத்தில் ஐரிஷ் ரவுடிக்கும்பலிற்கு பொலீசார் வலை வரிப்பதுதான் இந்தக் கதை. இதில் நாயகன் (Billy Costigan) திருட்டுக்கும்பலினுள் தானும் ஒரு திருடன் போல பாவனை செய்துகொண்டு உள்நுழைகின்றார். மற்றப் படங்கள் போலல்லாமல் இங்கு உள்நுழையும் டிக்காப்பிரியோ விருப்பம் இல்லாமலே இந்த பணியை ஏற்றுக் கொள்கின்றார். அவர் அடையும் மனக் குழப்பங்கள், வேதனைகள் என்பவற்றையும் திரைப்படத்தில் உள்ளடக்க முயன்றுள்ளனர்.

டிக்காப்பரியோ போலவே திருட்டுக் கும்பலும் தன்னுடைய நபர் (Colin Sullivan) ஒருவரை பொலீஸ் பிரிவினுள் வைத்திருக்கின்றது. பொலீஸ் திணைக்களத்திற்குள்ளேயே திருட்டுக் கும்பலுடன் பணி புரிவது யார் என்று தெரியாவிட்டாலும் இரண்டு அதிகாரிகளுக்கு டிக்காப்பிரியோதான் அந்த பொலீஸ் காரன் என்பது தெரியும். இந்த விடயத்தை தானும் அறிந்துகொள்ள சுலைவனும் முயல்கின்றான்.

யார் யாரை வென்றார்கள் திருட்டுக் கும்பல் ஒழிக்கப்பட்டதா இல்லையா என்பது மீதிக் கதை. கடைசி சில நிமிடங்கள் எதிர் பாராத திடீர் டுமீல் கள் நிறைந்து இருக்கின்றது. அத்துடன் திரைப்படங்களுக்கு மிக முக்கிய பகுதியான ஒரு மெல்லிய குழப்பமான காதலும் இழையோடுகின்றது.

படத்தில் சில காட்சிகள் ஏன் என்றே புரியவில்லை. உதாரணமாக படத்தில் வில்லன் பெரும் சர்வதேசப் புகழ் கடத்தல் காரன் என்றால் எதற்காக உள்ளூர் கடைகளில் சென்று பணம் வசூலித்துக்கொண்டு திரிகின்றான்?. அத்துடன் பில்லி காஸ்டிகனை (டிக்காப்பிரியோ) இலகுவாக நம்பி குழுவினுள் ஏற்று விடுவதாகக் காட்டப்பட்டுள்ளது.

அத்துடன் இத்திரைப்படத்தில் GOODFELLAS என்ற திரைப்படத்தின் தாக்கம் அதிகமாக உள்ளதாகவும் பேசிக்கொள்கின்றார்கள். திரைக்கதை வசனம் எழுதியவர் தான் சீனப் படத்தைப் பார்க்கவே இல்லை என்று மார்தட்டிக் கொண்டாலும். இரண்டு படங்களையும் பார்த்தவர்கள் திரைக் கதை வசனம் சீனத் திரைப்படத்தை ஒத்து இருப்பதாகவே கூறியுள்ளனர்.

படம் மிக வன்முறை நிறைந்தது என்பதுடன் வார்த்தைப் பிரையோகங்கள் மிக மிக மோசமாக இருக்கின்றது (F*** என்பதை நிமடத்திற்கு ஒரு தடவை சொல்வது திரைப்படத்தை இரசிக்கச்செய்வதற்குப் பதிலாக வெறுப்பேற்றுகின்றது). ஆகவே குழந்தைகளுடன் உட்கார்ந்து பார்க்கக்கூடிய படம் இல்லை.

தூக்கம் வராத நேரத்தை ஏதாவது பார்த்து கழிக்க நினைத்தால் இந்தத் திரைப்படம் நல்ல ஒரு தெரிவு!!!!

அன்புடன்,
ஜெ.மயூரேசன்.

22 : ஹரி போட்டர் ரெயிலர் (Harry Potter Trailor)

2007-03-11T01:17:00.000+05:30

டம்பிள் டோரின் சிறப்புப் படையணி!

ஹரி போட்டர் அன்ட் த ஆடர் ஆப் பீனிக்ஸ் ஜூலை வர இருப்பது தெரிந்ததே! அந்த ரெயிலர் இன்று ஒரு தளத்தில் பார்த்தேன்..

காட்சியில் ஹரி செள வை முத்தமிடும் காட்சியையும் சேர்த்திருக்கார்கள். டப் என்று வந்து மறைகின்றது.

கதை வாசித்தவர்களுக்கு காட்சிகள் என்ன என்ன வென்று புரியும் என்னைமாதிரி இதுவரை முக்கால்வாசி வாசித்தவர்களுக்கே ரெயிலரில் முக்காவாசி புரிகின்றது போய்த்தான் பாருங்களேன்.!

http://www.harrypotterorderofthephoenix.com/

21 : ஆஸ்கார் விருது முடிவுகள் வெளியானது!!!

2007-02-26T13:42:00.000+05:30

ஆஸ்கார் விருதுகளின் முழுப் பட்டியல் வெளியிடப் பட்டுள்ளது. இதில் த டிபாட்டட் (The Departed) எனும் படம் சிறந்து படமாகத் தெரிவு செய்யப்பட்டுள்ளது. த டிப்பார்ட்டன் திரைப்படம் நான்கு ஆஸ்கார் விருதுகளை அள்ளியுள்ளது.

வேற்று மொழிக்கான சிறந்த திரைப்பட விருதை ஜேர்மானிய திரைப்படம் தட்டிச் சென்றுள்ளது.அடுத்த பதிவில் விரிவான தகவல்களைத் தருகின்றேன்.

மேலதிக தகவல் பிபிசி தளத்தில்.

20 : 79 ம் ஆஸ்கார் விருதுகள் (79th Annual Academy Award)

2007-02-22T10:57:00.000+05:30

பெப்ரவாரி 24 ம் திகதி ஆஸ்கார் விருது வழங்கும் நிகழ்வு நடைபெற உள்ளது. அதில் சிறந்த நடிகருக்கான பரிந்துரையில் இரண்டு கறுப்பின நடிகர்களின் பெயர் (Will smith, Forest) பரிந்துரைக்கப்பட்டுள்ளமை சிறப்பான விடையமாகும்.

மேலும் Babel, The Departed, Letters from Iwo Jima, Little Miss Sunshine, The Queen ஆகிய படங்கள் பரிந்துரை செய்யப்பட்டுள்ளன. லயர்னாடோ டிக்காப் ப்ரியோ நடித்த படம் The Departed பரிந்துரைக்கப் பட்டுள்ளதுடன் அவரும் சிறந்த நடிகர் பிரிவில பரிந்துரைக்கப் பட்டுள்ளார்.

வேற்று நாட்டுப் படங்கள் பிரிவில் இந்தியப் படங்கள் எதுவும் இல்லை கனேடிய, மெக்சீக்கன், அல்ஜீரியா, டென்மார்க் பிரதேசப் படங்கள் உள்ளடக்கப்பட்டுள்ளன.

நடக்கப் போவதை பொறுத்துத்தான் பார்ப்போமே!!!

மேலும் அறிய

19 : 1 மில்லியனுக்கு தலைமுடி ஏலம்

2007-02-20T20:24:00.000+05:30

அண்மையில் அமெரிக்காவின் பிரபல ஆங்கிலப் பாடகி பிரட்னி ஸ்பியர்ஸ் தலை முடியை வெட்டி மொட்டையாகத் திரிந்தது யாவரும் அறிந்ததே. இப்போது வெட்டப்பட்ட தலைமுடியை ஏலத்தில் விட உள்ளார்கள்.

சரி உங்களுக்கும் என்ன வாங்கலாம் போல உள்ளதா? அப்போ வாங்கலாம் போல உள்ளதா விலையைக் கேளுங்கள் ஒரு மில்லியன் அமெரிக்க டொலர்.

ஒரு வெப்தளத்திலேயே ஏலம் இட்டுள்ளனர். அதில் இது வாழ்க்கையில் பெரிய சந்தர்ப்பம் என்று கூறியுள்ளனரப்பா!!!

தளத்தைச் சென்று பார்த்துவிட்டு வாருங்கள்....

18 : Shrek the Third வெளிவர உள்ளது

2007-02-20T11:11:00.000+05:30

சிறுவர் முதல் பெரியவர் வரை விரும்பிப் பார்த்த அனிமேசன் திரைப்படம்தான் ஷிரேக் (Shrek). ஏற்கனவே இரண்டு பாகங்கள் வெளி வந்துள்ள வேளையில் இப்போது ஷிரெக் மூன்றாம் பாகமும் (Shrek the Third) வெளிவர உள்ளது.

18 ம் திகதி மே மாதம் இந்தத் திரைப்படம் வெளியிடப் பட உள்ளது. இங்கு fபியோனாவின் அப்பாவான அரசர் நோய்வாய்ப் படுகின்றார். இதனால் ஷிரெக் அரசருக்கு அடுத்த வாரிசைக் கண்டு பிடிக்க வேண்டும் அல்லது அவர் புதிய அரசனாக வேண்டும். இவ்வேளையில் வில்லன் கூட்டமும் அரசைக் கைப்பற்ற முயல்கின்றது. பின்னர் என்ன நடக்கின்றது என்பதை திரைப்படத்தைப் பார்த்து தெரிந்து கொள்ளுங்கள்.

மேலதிக தகவலுக்கு உத்தியோக பூர்வ தளத்தைப் பார்க்கவும்.

17 : ஹரிபோட்டர் சாக வேண்டுமாம்

2007-02-19T18:20:00.000+05:30

ஹரி போட்டர் திரைப்படத்தில் ஹரியின் வேடத்தில் நடித்த Daniel Radcliffe தான் ஹரி போட்டர் கடைசிப் புத்தகத்திற்காக ஆவலுடன் காத்திருப்பதாகவும் தன் பாத்திரம் இந்தப் பாகத்துடன் கொல்லப்படும் என்று நம்புவதாகவும் கூறியுள்ளார்.

இதே வேளை ராவ்லிங் Harry Potter and the Deathly Hallows என்ற புத்தகத்தை எழுதி முடித்துள்ளதும் இது ஜூலை 21 வெளியாக உள்ளதும் குறிப்பிடத்தக்கது.

ராட்கிளிஃப் இது வரை வெளிவந்த நான்கு ஹரி போட்டர் படங்களில் நடித்துள்ளதுடன் அடுத்து வரும் 3 படங்களில் நடிக்கவும் ஒப்பந்தமாகியுள்ளார். இவர் மேலும் கருத்து தெரிவிக்கையில் இறுதிப் பாகத்தில் ஹரி இறப்பதாகவே ராவ்லிங் எழுதி இருப்பார்.. அத்துடன் ஒரு சோகமான காட்சியுடன் நான் இறப்பதாக திரைப்படம் அமையும் என்று நம்புகின்றேன்" என்று கூறினார்.

பார்ப்போம் கடைசிப் புத்தகத்தில் ஹரி இறக்கின்றாரா என்று!!!!

16 : மம்மி 3 ம் பாகம் வெளிவருமா! (Mummy 3 Could Be on Its Way)

2007-01-13T18:08:00.000+05:30

The Fast and the Furious இயக்குனர் Rob Cohen மம்மி 3ம் பாகத்தை இயக்க உள்ளதாகத தெரியவருகின்றது. இது பற்றிய பேச்சு வார்த்தைகள் யூனிவேர்சல் பிக்சர்சுடன் நடந்து வருகின்றது. மீண்டும் பிரமிட், எகிப்து, மம்மி என்று ஊர்வலம் வரத் தயாரா???

15 : இந்தவார ஹொலிவூட் தரவரிசை

2006-12-22T13:43:00.000+05:30

Rank Title Weekend Gross
1. The Pursuit of Happyness (2006) $26.5M $26.5M
2. Eragon (2006) $23.2M $23.2M
3. Charlotte's Web (2006) $11.5M $11.5M
4. Happy Feet (2006) $8.36M $149M
5. The Holiday (2006) $8.01M $25.1M
6. Apocalypto (2006) $8.01M $28.2M
7. Blood Diamond (2006) $6.52M $18.6M
8. Casino Royale (2006) $5.63M $138M
9. The Nativity Story (2006) $4.66M $23M
10. Unaccompanied Minors (2006) $3.55M $10.1M

மில்லியன் கணக்கில் அதுவும் டாலர் கணக்கில் இப்படி அள்ளுகின்றார்களே!!

14 : இந்தவார Hollywood Top 10

2006-11-03T14:20:00.000+05:30

இந்தவாரத்தின் டாப் 10 படங்களின் வசூலைப் பாருங்கள்!!! என்னமா உழைக்கிறார்கள்

Top 10 weekend draws at the box office:

1. "Saw III," $34.3 million.
2. "The Departed," $9.8 million.
3. "The Prestige," $9.6 million.
4. "Flags of Our Fathers," $6.4 million.
5. "Open Season," $6.1 million.
6. "Flicka," $5 million.
7. "Man of the Year," $4.7 million.
8. "The Grudge 2," $3.3 million.
9. "Marie Antoinette," $2.9 million.
10. "Running With Scissors," $2.6 million

ஹலோவீனுக்கு வெளியான படம் Saw III சக்கை போடு போட்டு முதல் இடத்திற்கு வந்துள்ளது. Saw IV அடுத்த ஹலோவீனுக்கு வெளிவரும் என்று எதிர்பார்க்கப்படுகின்றது.

அடுத்து மூன்றாம் இடத்தில் உள்ள The Prestige 10 நாட்களில் சுமார் 28.8 மில்லியன் அமெரிக்க டாலர்களை சம்பாதித்துள்ளதாம். The Departed ன் வசூல் கடந்த வாரங்களுடன் ஒப்பிடும் போது குறைந்துள்ளதாம். அதனால் இது வரைகாலமும் நடந்த வசுலை மறக்க முடியாது.

12 : ஹாலிவூட் திரைப்பட நிலைகள்

2006-10-25T16:38:00.000+05:30

ஹாலிதிரைப்படங்களில் கடந்தவாரம் The Grudge 2 என்ற திரைப்படம் முதல் இடத்தைப்பிடித்ததுடன் பலரின் தூக்கத்தையும் கெடுத்துள்ளது. இது பயங்கரமான திகில்படமாகும். 2004 ல் வெளிவந்த The Grudge என்ற திரைப்படத்தின் இரண்டாம் பாகமாகவே இந்தத்திரைப்படம் வெளிவந்துள்ளது. இத்திரைப்படத்தின் இயக்குனர் ஒரு ஜப்பானியர் என்பதையும் இங்கே குறிப்பிடவேண்டும்.

முதல் வாரத்தில் 22 மில்லியன் அமெரிக்க டாலர்கள் வசூல் செய்துள்ளது. கடந்தவாரம் முதல் இடத்தில் இருந்த The Departed திரைப்படம் இரண்டாம் இடத்தைப் பிடித்துள்ளது. இத்திப்பட நாயன் லியனார்டோ டிக்காப்பிரியோ என்பதும் குறிப்பிட வேண்டும். இத்திரைப்படம் வன்முறைகள் நிறைந்ததுடன் பாதாள உலகக் கோஷ்டிகளும் பொலீசும் மோதும் படமாகும்.

The Man of the year படம் மூண்றாம் இடத்தில் உள்ளது. சிறுவருக்கான அனிமேசன் திரைப்படமான Open Season நான்காம் இடத்தில் உள்ளது. இது தயாரிப்பு செலவுகளை இதற்குள் வசூலித்துவிட்டது என்பதையும் குறிப்பிட வேண்டும்.

ஹாலிவூட்

11 : ஹாலிவூட் நட்சத்திரங்கள் இந்தியாவில்

2006-10-25T16:28:00.000+05:30

A Mighty Heart என்ற திரைப்படத்தில் நடிப்பதற்காக ஹாலிவூட் நட்சத்திரங்கள் இந்தியாவின் புனே நகரில் முகாமிட்டுள்ளனர். இதனால் இந்த நகரம் வழமையைவிட பரபரப்பாகியுள்ளது. உலகின் பல்வேறு பாகங்களில் இருந்தும் பல பத்திரிகைக்காரர்கள் இங்கு வந்து குவிந்துள்ளனர். இவர்களிடமிருந்து தப்ப திரைப்படக் குழுவினர் தனியார் பாதுகாப்பு சேவையைப் பயன்படுத்துகின்றர்.

இந்த திரைப்படத்தில நட்சத்திரத் தம்பதிகளான் பிரட் பிட் மற்றும் அஞ்சலீனா ஜோலீ நடிப்பது குறிப்பிடத்தக்கது. இத்திரைப்படத்தின் கதை பாக்கிஸ்தானில் தீவிரவாதிகளால் கடத்தி கொலை செய்யப்பட்ட பத்திரிகையாளரின் கதையாகும்.

அமைதியான புனே நகரம் இப்படப்பிடிப்பால் மிகவும் பரபரப்பாகக் காணப்படுவதாகக் கூறப்படுகின்றது.

10 : தனது கைது பற்றி மனம் திறக்கிறார் Mel Gibson

2006-10-11T12:17:00.000+05:30

பிரபல ஹாலிவூட் நடிகரான மெல் கிப்சன் கலிபோனியாவில் மது போதையில் வாகனம் ஓட்டும் போது கைது செய்யப் பட்டார். இது பற்றிய தகவல்களையும் இவர் கைது செய்யும் போது பொலீஸ் ஆபீசரிடம் கூறிய வார்த்தைகளையும் அறிய கிளிக் செய்க..

மேலும்.

9 : The Phantom of the Opera (2004) (1925)

2006-10-10T10:39:00.000+05:30

Phantom of the Opera ஒரு பிரபலமான அமெரிக்கத் திரைப்படமாகும். திரைப்படம் முதலில் 1925 ல் எடுக்கப்பட்டாலும் இது பல தடவை மீளாக்கம் (Remake) செய்யப்பட்டது. இறுதியாக 2004 ல் இத்திரைப்படத்தின் புதிய பதிப்பு ஒன்று எடுக்கப்பட்டது.

இக்கதையின் படி ஒரு கோர முகம் கொண்ட வேதாளம் போன்ற மனிதன் ஒன்று பிரான்ஸ், பரிஸ் ஒபேரா மண்டபத்தை கலக்கியடிக்கின்றது. உண்மையில் கிறிஸ்ரைடன் எனும் அழகிய இளம் ஒபேரா பாடகியின் மீதும் அவளின் மோகனமான குரல் மீதும் காதல் கொள்ளும் இந்த வேதாளம் (உண்மையில் ஒரு மனிதன் தான்) அவளைக் காதலிக்கத் துடிக்கின்றது. கோர முகம் கொண்டாலும் ஒபேரா பாடல்களைப் பாடுவதில் இந்த முகமூடி போட்ட கோரமுகம் சிறப்பானது. முதலில் தன் ஆசை நாயகி கிரிஸ்ரைனி்ற்கு பாடல் பாடக் கற்றுக் கொடுக்க முடிவெடுக்கின்றது. அவளிற்கு பயிற்சியும் அளிக்கின்றது. அவள் மெல்ல மெல்ல ஒபெரா ஹவுசில் பெரிய பாடகியாக வர வழி சமைக்கின்றது. ஒபேராவின் பிரதான பாடகி வெளியேறவும் இவள் (Christine) முண்ணனியில் பாடவும் இந்த மர்ம முகமூடி மனிதன் காரணமாகின்றான்.

கிரிஸ்ரைன் உண்மையில் இந்த கோர உருவத்தைக் காதலிக்க வில்லை. இவள் தன் காதலனின் உதவியுடன் கோரமுக நபரை ஏமாற்ற முயல்கின்றாள். அதாவது அவனிடம் இருந்து தப்பி தன் ஆசை நாயகனுடன் வாழ விரும்புகின்றாள். ஆயினும் முயற்சி செய்யும் ஒவ்வொரு தடவையும் இவளும் காதலனும் கோர முக நபரிடம் தோற்றுவிடுகின்றனர்.

உண்மையில் இந்த கோர முகமுடைய நபரின் பின்னாலும் ஒரு சோகக் கதை இருந்தது. இவனை நரகத்தின் புதல்வன் என்று பார்வையாளர்களிடம் காட்டி அதன் மூலம் சிலர் சம்பாதித்து வந்தனர். அங்கே இவனுக்கு அடி உதை தொடக்கம் சவுக்கடி வரை நடந்தது. அங்கிருந்து தப்பிய இவர் இந்த பாரிஸ் ஒபேரா ஹவுசில் ஒளிந்து கொள்கின்றான். சிறு வயதிலேயே இங்கு வந்து ஒளிந்து விட்டாலும் இங்கேயே தனது வாழ்கையின் பெரும் பகுதியைக் கழிக்கின்றான்.

1925 ல் எடுத்த திரைப்பட DVD பெறுவது கடினம் தான் எனினும் தற்போதய ரீமேக்கைப் பார்க்கலாம். கலையார்வம் உள்ளவர்கள் பார்க்க வேண்டிய படம். பிரமாண்டமான மேடையமைப்பு ஹொலிவூட் படம் என்பதை மீண்டும் மீண்டும் ஞாபகப் படுத்துகின்றது.

படத்தின் கணிசமான பகுதி பாடல்களாகவே நகர்கின்றன (ஒபேராப் பாணியிலான பாடல்கள்). உதாரணத்திற்கு ஒரு வீடியோ போட்டுள்ளேன் பாருங்கள். இந்தப் பாடலில் முகமூடி மர்ம மனிதன் அல்லது அந்த கோர முகமுடைய மனிதன் தன் பாடல் வலிமையால் நாயகியை மயக்கி தன் இருப்பிடத்திற்கு அழைத்துச் செல்கின்றான். செல்லுமிடங்களில் படத்தின் பிரமாண்டத்தைக் காணலாம். குகைகள் போன்ற அமைப்புகளூடு இவன் தன் இரகியப் பிரதேசத்திற்கு நாயகியை அழைத்துச் செல்கின்றான். இந்தப்பாடல்தான் எனக்கு இந்தப் படத்தில் மிகப்பிடித்த பாடல். இந்தப் பாடலின் பெரும்பகுதி இருட்டாகத் தெரிந்தாலும் சற்றே உற்றுப் பாருங்கள். அழகிய பிரமிக்க வைக்கும் பின்ணணிக் காட்சிகளைக் காணலாம்.

கட்டாயம் நேரம் கிடைத்தால் இப்படத்தை பாருங்கள். ஒரு கலைத் தாகம் தணித்த சுகம் கிடைக்கும். நீங்கள் தமிழ் திரைப்படங்களிலேயே பாடல்களை வெறுப்பவராயின் இது உங்களுக்கு உரிய படம் இல்லை.

8 : X-Men: The Last Stand(2006) - DVD வெளியீடு

2006-10-05T09:25:00.000+05:30

X-Men: The Last Stand பரப்பரப்பான திரைப்படம் இன் மூன்றாம் பாகம் டிவிடி(DVD) யில் வெளிவந்து விட்டது. இப்பாகத்தில் மரபணு விகாரமடைந்தவர்கள் (mutants) இரண்டு தெரிவிற்கிடையில் மாட்டுப்படுகின்றனர். அதாவது குணம் பெற்று மனிதராவது அல்லது தொடர்ந்து விகாரிகளாக இருப்பது. இரண்டு தெரிவிலும் நிறைகளும் குறைகளும் இருக்கின்றன.

என்னதான் நடக்கின்றது என்பதை DVD இல் பாருங்கள்..

மேலும்..

Google Search

7 : ஹரிபோட்டர் (Harry Potter) நாயகனின் மறுபக்கம்

2006-10-04T10:09:00.000+05:30

ஹரிபோட்டர் (Harry Potter) திரைப்படம் வெளிவந்து உலகம் முழுவதும் சக்கைப்போடு போட்டது யாம் அறிந்ததே.. இத்திரைப்படத்தின் பின்னர் இந்தத் திரைப்பட நாயகன் பெருமளவு இரசிகர்களைப் பெற்றதுடன் பெரிதும் மதிக்கப்பட்டார்.

இவரின் மறுபக்கம் வெளிவந்து பலரையும் அதிர்ச்சிக்குள்ளாக்கியுள்ளது. இவரின் இரசிகர்கள் நடந்ததை நம்ப முடியாமல் தவிக்கின்றனர்..
என்னதான் நடந்தது??

கிளிக் செய்து பாருங்கள்...

6 : த நைட் லிசனர்

2006-10-03T11:08:00.000+05:30

த நைட் லிசனர் திரைப்படம் பற்றி முத்து ஸ்ரீனிவாசன் எழுதுகின்றார் வாசித்துத்தான் பாருங்களேன்...
அன்புடன்,
ஜெ.மயூரேசன்

5 : ஸ்டே

2006-10-02T16:27:00.000+05:30

திரைப்படம் பற்றி முத்து சிறீனிவாசன் எழுதுகின்றார். வாசித்துத்தான் பாருங்களேன்....

Click here to read

4 : Goal! The Dream Begins (2005)

2006-10-01T13:07:00.000+05:30

கோல் என்றால் இலக்கு என்று பொருள்படும். இந்தக் கதையும் இலக்கை நோக்கிப் பயணிக்கும் ஒரு இளைஞனைப்பற்றிய கதையே ஆகும்.

மெச்சிக்கோவில் இருந்து அமெரிக்காவிற்கு களவாக குடி பெயர்கின்றது சன்டியாகோவின் குடும்பம். சன்டியாகோவின் தாயார் சிறு வயதிலேயே வீட்டையும் குடும்பத்தையும் விட்டு வெளியேறிவிட தந்தையின் வளர்ப்பிலே சன்டியாகோவும் அவன் தம்பியும் வளர்கின்றனர். இவர்களுக்கு ஒரு பேத்தியாரும் இருக்கின்றமை குறிப்பிடத்தக்கது.

மெச்சிக்கோவில் இருந்து வெளியேறி அமெரிக்காவினுள் நுழையும் தறுவாயில் அமெரிக்க எல்லைக் காவல் படையிடம் இருந்து மயிர் இழையில் இந்தக் குடும்பம் தப்புகின்றது. தப்பும் வேளையில் அந்தச் சிறுவனுக்கு கால்பந்தாட்டம் மீது இருக்கும் நாட்டத்தைக் காட்ட சிறு காட்சி ஒன்றைச் சேர்த்துள்ளார்கள். அதாவது இவர்கள் எல்லையில் உள்ள வேலியைக் கடந்து அமேரிக்காவினுள் நுழையும் தறுவாயில் மெச்சிக்கோப் பக்கம் சிறுவனின் பந்து விழுந்து விட அதைவிட்டு விட்டு வர மனமில்லாமல் தடுமாறுகின்றான். இருந்தபோதும் தந்தையின் அதட்டலுக்குப் பயந்து பந்தை விட்டு வருகின்றான். அப்போது அவன் முகத்தில் தெரியும் ஏமாற்றம் பாருங்கள்.......

பத்து வருடங்களின் பின்பு லாஸ் ஏஞ்சல் பிரதேசத்தில் இந்தக் குடும்பம் தங்கிவிட்டபோதும் பொருளாதார ரீதியாக பின்தங்கியே இருக்கின்றது. இதே வேளையில் அந்தச் சிறுவன் தற்போது இளைஞனாகி நிற்கின்றான். அவனுக்குள் ஆசைகள் இருக்கின்ற போதும் தந்தை அவனது ஆசைகளை நோக்கி கனவுகளை வளர்க்க விடுவதில்லை. அப்துல் கலாம் கூறிய இளைஞர்களே கனவு காணுங்கள் என்ற வாக்கியம் அவன் தந்தைக்குப் புரியவில்லை.

ஒரு ஏழைக் குடும்ப வாலிபன் தான் தன்னை மீறி கனவு காணக்கூடாது என்பதே அவரது வாதம். பல தடவை தந்தை மகனை இந்த விடயத்தில் கண்டிக்கின்றார்.

இதே வேளையில் இந்த இளைஞன் சன்டியாகோவின் கால்ப் பந்தாட்ட விளையாட்டுத் திறமையைப் பார்த்த இங்கிலாந்துக் காரர் ஒருவர் அவனுக்கு சந்தர்ப்பம் வாங்கிக் கொடுப்பதாக வாக்குறுதி அளிக்கின்றார். அவரின் முயற்சகள் தோல்வி அடையவே சன்டியாகோவை இங்கிலாந்துக்கு வருமாறும் அப்படி வந்தால் தான் சந்தர்ப்பத்தை வாங்கித் தருவதாககும் கூறி விடை பெறுகின்றார்.

கனவுகளில் மீண்டும் மிதக்கும் இளைஞனுக்கு அவனது தந்தை கட்டுப்பாடு போடுகின்றார். இது வீண் கனவு என்றும் தன்னைப்போல தன் மகனும் குடும்பத்திற்காக உழைக்க வேண்டும் என்று அவர் விரும்பினார்.

தந்தைக்குத் தெரியாமல் இங்கிலாந்து செல்வதற்காக சன்டியாகோ பணம் சேர்க்கத் தொடங்குகின்றான். ஆயினும் சேர்த்த பணம் எல்லாம் அவனது தந்தை ஒரு ட்ரக் வேண்டப் பயன்படுத்தி விடுகின்றார். அனைத்தும் வெறுத்துப் போய் விரக்தியுடன் உலாவும் இந்த இளைஞன் அவனது பாட்டியின் உதவியுடன் தந்தைக்குத் தெரியாமல் இங்கிலாந்து பயணம் ஆகின்றான்.

இங்கிலாந்தில் இளைஞன் தனது வெற்றிக்காக உழைப்பதையும் இறுதியில் ஒரு வெற்றிகரமான தொழில் ரீதியான கால்பந்தாட்ட விளையாட்டு வீரனாக மாறினானா என்பதுமே மிகுதிக் கதை.

இது வாழ்கையில் துவண்டு போய் இருப்பவர்கள் பார்க்க வேண்டிய படம். குறிப்பாக இளைஞர்கள் தோல்வியில் துவண்டு விடாமல் இருக்க இந்தப்படம் உதவி செய்யலாம்.

இங்கிலாந்தில் அந்த இளைஞன் படும் துன்பம் இருக்கின்றதே பாருங்கள். அளவிட முடியாது. அவன் பிரகாசிக்க முடியாமல் திணறுவதையும் அவன் கற்பனைகள் கரைவதையும் பார்க்கும் போது எமக்கும் தான் கவலை ஏற்படுகின்றது. ஆயினும் சந்தர்ப்ப சூழ்நிலைகள் மற்றும் அவன் முயற்சிகள் பயனளித்ததா என்பதை திருட்டு டீவிடீ வேண்டியாவது பாருங்கள்.

திரையில் நாயகன் நடிப்புடன் கொஞ்சம் திணறுவதைக் காண முடிகின்றது. ஆனால் கால் பந்துடன் சுழன்று சுழன்று கலக்குகின்றார். ஆயினும் மற்றய துணை நடிகர்களின் நடிப்பாற்றலால் நாம் இவரின் குறையைக் கண்டு கொள்ள முடிவதில்லை. குறிப்பாக இங்கிலாந்திற்கு இவரை அழைக்கும் முன்னய கால்பந்தாட்ட வீரர் மற்றும் சன்டீயாகோவின் காதலி போன்றோர் நடிப்பில் கலக்குகின்றனர்.

இத்திரைப்படம் ஆரம்பத்தில் இயக்குனர் மைக்கல் வின்டர் பொட்டம் என்பவருடனே ஆரம்பித்தது. ஆயினும் அவர் இதிலிருந்து விலகிக்கொண்டார். காரணம் இந்த திரைப்படத்தில் உண்மையான கால்பந்தாட்ட கழகங்களின் பெயர் பயன்படுவதால் பீஃபா (FIFA) தன் அனுமதியைப்பெற வேண்டும் என்று கூறிவிட்டது. கோபப்பட்ட மனுசன் விட்டுட்டுப்போய்விட்டார்.

இத்திரைப்படத்தின் மிகுதி 2 பாகங்கள் மிக விரைவில் வெளிவரும் என எதிர்பார்க்கலாம்.

பிகு : இந்த திரைப்படத்தில் பிரபல கால்பந்தாட்ட வீரர், முன்னய இங்கிலாந்து கால்பந்தாட்ட அணித் தலைவர் பெக்காம் ஒரு காட்சியில் வருகின்றமை குறிப்பிடத்தக்கது.

3 : த டாவின்சி கோட்

2006-10-01T13:06:00.000+05:30

2000 ம் ஆண்டுகளாக பூட்டி வைக்கப்பட்டுள்ள இரகசியம். இது வெளியானால் மனித விழுமியத்தின் ஆணி வேர் ஆட்டம் காணும். இது தான் த டா வின்சி கோட் திரைப்படத்தின் உள்ளடக்கம். திரைப்படமும் சரி நாவலும் சரி பெரியளவில் சர்ச்சைக்குள்ளானது. காரணம் கதையில் பயன் படுத்தப்பட்ட ஒரு புனிதர் உலக அளவில் அதிகமானோர் மதிக்கும் யேசுநாதர்.

டாம் ஹாங் சின்னங்கள் (Symbols) பற்றிய ஆராய்ச்சி செய்யும் ஒரு அமேரிக்கப் பேராசிரியர். பாரிசுக்கு ஒரு விரிவுரை நிகழ்த் வந்த இடத்தில் விதி விளையாட ஆரம்பிக்கின்றது.

பாரிஸ் அருங்காட்சியத்தில் நூதனப் பொருட்களின் காப்பாளராக பணியாற்றும் ஒருவர் கொலை செய்யப்படுகின்றார். இறந்த நூதனசாலை பணியாளர் தன் நெஞ்சில் நட்சத்திரக்குறி போன்ற தடயங்களை கீறி விட்டு மரணித்து விடுகின்றார். பாரீஸ் காவல் துறை டாம் ஹாங்கின் உதவியை நாடுகின்றது. பின்பு இறந்தவரின் பேத்தியுடன் சேர்ந்துகொள்ளும் டாம் ஹாங் பல புதிர்களை ஒன்றின் பின் ஒன்றாக விலக்குகின்றார். இதே வேளையில் காவல்துறையின் சந்தேகம் டாம் ஹாங்கின் பக்கம் திரும்புகின்றது. இப்படியாக கதை நகர்கின்றபோது யேசு நாதருக்கு சந்ததி உள்ளமை தெரிய வருகின்றது.

இதற்கிடையில் யேசு பிரானின் சந்ததி பற்றிய ஆதாரங்களை அழிக்க ஒரு குழுவும், இரகசியமாக பாதுகாக்க இன்னுமொரு குழுவும் அலைந்து திரிகின்றது. இதில் முன்னைய குழுவால் டாம் ஹாங்கும் நாயகியும் துரத்தப்படுகின்றனர். நம்பிக்கை நம்பிக்கைத் துரோகம் என்று கதை விறு விறுப்பாக நீள் கின்றது.

கதையின் இறுதியில் தற்போதைய வாரிசு யாரேன்று தெரியவருகின்றது (அதை இங்கு கூறினால் நீங்கள் படம் பார்ப்பதில் அர்த்தம் இல்லை).
ஒவ்வொரு கட்டத்திலும் பல வரலாற்று உண்மைகளை கதையுடன் இணைத்துள்ளவிதம் ஆச்சரியத்தை ஏற்படுத்துகின்றது. குறிப்பாக டா வின்சியின் இறுதி இராப்போசனம் சித்திரத்தில் செய்யப்படும் வெட்டுக் கொத்து (நம்ப முடியாமல் நானும் போடோ ஷாப்பில் செய்து பார்த்தேன் சரியாகத் தான் பொருந்துகின்றது).

ஏது எவ்வாறாயினும் இப்படி யொரு படம் எடுக்கத் துணிவு, நிறைந்த படைப்பாற்றல் நிச்சயம் வேண்டும். கிறீஸ்தவர்களின் மனதை இப்படம் புண்படுத்தும் என்பதில் ஐயமில்லை. இலங்கையில் இப்படத்தை தடைசெய்து விட்டார்கள் (திருட்டு VCD ல் பார்த்தேன்). எனக்கென்னவோ மற்றவாகளின் உணர்வுகளுடன் விளையாடுவது அவ்வளவாகப் பிடிக்கவில்லை அதற்காக கதையை இரசிக்காமலும் இருக்க முடியவில்லை.

2 : சால் வீ டான்ஸ் (2004)

2006-10-01T13:05:00.000+05:30

பரபரப்பான சிக்காகோ நகரத்தைக் காட்டுவதுடன் இந்தத்திரைப்படம் ஆரம்பிக்கின்றது. இங்கு கதையின் முக்கிய பாத்திரமான யோன் கிளாக் ஒரு கணக்கியலாளர். அளவுக்கதிகமாக வேலை செய்து வேலை செய்து கிட்டத்தட்ட விரக்தி அடைந்து விட்ட ஒரு கணக்கியலாளர்.

ஒவ்வொரு நாளும் இவர் வேலை முடிந்து மின்சார இரயிலிலே வீடு திரும்பும் வழியில் ஒரு நடனப் பள்ளியைக் காண்கிறார். அதன் ஜன்னல் ஓரத்தில் நிற்கும் ஒர அழகுப் பதுமையையும் (ஜெனிபர் லோபெஸ்) காண்கிறார்.

இந்தப் பெண்ணைப் பற்றி அறிந்து கொள்ளும் ஆர்வத்தில் கிளார்க் அந்த நடனப் பள்ளியில் போல் ரூம் நடனம் கற்றுக்கொள்ளச் சேர்கின்றார். அந்த பள்ளியில் பிரதான ஆசிரியையான மிற்சி என்பவரின் கீழ் நடனம் பயில ஆரம்பிக்கும் இவர் தன் கண்களைக் கவர்ந்த அந்த அழகுப் பெண்ணின் பெயர் போலீனா எனவும் அவர் அந்த நடனப் பள்ளியில் உதவி ஆசிரியர் எனவும் அறிந்து கொள்கிறார்.

வெறுமனே சேர்ந்த நடனத்தில் கிளார்க் காலப்போக்கில் ஒன்றி விடுகின்றார். இதற்கிடையில் இவரின் அலுவலக நண்பர் ஒருவரும் அங்கே நடத்துறையில் இருப்பதை அறிந்து கொள்கின்றார். ஆயினும் அந்த நண்பர் தன்னை வெளி உலகிற்கு ஒரு விளையாட்டு இரசிகனாக மட்டுமே காட்ட விழைகின்றார். இவரும் கதையில் முக்கியமான ஒரு பாத்திரமாகின்றார்.

ஆரம்பத்தில் கிளார்க்கை நிராகரித் போலீனா பின்பு மெல்ல மெல்ல அவரை நெருங்கத் தொடங்குகின்றார்.

காலப் போக்கில் கிளார்க்கிற்கு சிக்காகோ கிரிஸ்டல் போல் டான்ஸ் போட்டியில் கலந்து கொள்ளும் கட்டாயம் ஏற்படுகின்றது. இதே வேளையில் கிளார்கின் நடத்தையில் சந்தேகம் கொள்ளும் அவரின் மனைவி ஒரு தனியார் துப்பறிவு நிபுனர் மூலம் கணவரின் இரகசியமான நடன வகுப்புகள் பற்றி அறிந்து கொள்கின்றார்.

போட்டியிற்கு கிளார்க் அவரது ஆசிரியை மிட்சி மற்றும் போலீனாவால் பயிற்று விக்கப்படுகின்றனர். கடைசியாக ஒரு தடவை போலீனாவால் சிறப்பு பயிற்சி அளிக்கப்படுகின்றது. இதன்போது உருவாக்கப்பட்ட நடனக்காட்சிகள் பார்ப்பவரை ஆட்கொள்ளுமாறு மிக அழகாக வடிவமைக்கப்பட்டுள்ளது.

நடனப் பயிற்சியின் போது நடனம் பற்றி போலீனா சொல்லும் சில கருத்துக்களும் அழகானவை. உதாணத்திற்கு அவள் படம்ஆவாள் நீ அதைத் தாங்கும் சட்டமாவாய் நீ செய்வதை அவள் அப்படியே பிரதிபலிப்பாள். இது நடனத்தைப் பற்றி போலீனா கூறுவது.

இறுதியாக கிளார்க் இரகசியமாக வந்த சிக்காகோ போல்ஸ் டான்ஸ் போட்டியில் அவரின் மனைவியும் மகளும் அவரிற்கு தெரியாமல் வந்து அமர்ந்து கொள்கின்றனர். இவர் நடனமாடிக்கொண்டு இருக்கும் போதே தனது துணைவியாரையும் மகளையும் காண்கின்றார். இதன் பின்பு கணவன் மனைவிக்கிடையில் கடும் சண்டை வெடிக்கின்றது.

மனைவியுடன் தொடர்ந்து வாழ்ந்தாரா கிளார்க் அல்லது போலீனாவுடன் சென்றாரா? நடனப் போட்டியில் கிளார்க் வெற்றி பெற்றாரா? போன்ற கேள்விகளுக்கு விடைகாண திரைப்படத்தைப் பாருங்கள்.

இந்தத் திரைப்படம் உண்மையில் ஒரு ஜப்பானிய திரைப்படத்தின் தழுவலாகும். நடுத்தர வயதினரை கவரும் என்பது என் கணிப்பு. எது எவ்வாறாயினும் ஒரு சிறந்த திரைப்படத்தைப் பார்த்த திருப்தி வேண்டு மென்றால் இந்த திரைப்படத்தைப் பாருங்கள். அதிரடி ஆக்ஷன் திரைப்பட இரசிகர்களிற்கான திரைப்படம் இது வல்ல என்பதையும் கருத்தில் கொள்க.

1 : ஹாலிவூட் பார்வை

2006-10-01T13:01:00.000+05:30

நாம் அன்றாடம் பல்வேறு திரைப்படங்களைப் பார்க்கின்றோம். அதில் தமிழ், ஆங்கிலம், இந்தி போன்ற மொழித் திரைப்படங்கள் அடங்குகின்றன. குறிப்பாக தமிழ் திரைப்படங்களுக்கு பல்வேறு வலைப்பதிவர்கள் தொடக்கம் இணையத்தளங்கள் வரை தமிழில் விமர்சனம் செய்கின்றனர். ஆனால் ஹாலிவூட் திரைப்படங்களிற்கு இவ்வாறான விமர்சனங்கள் தமிழில் வருவது மிகக் குறைவு.

இதை நிவர்த்தி செய்யுமுகமாக நான் பார்க்கும் ஹாலிவூட் திரைப்படங்களிற்கு விமர்சனத்தை எழுதும் நோக்கில் இந்த வலைப்பதிவை ஆரம்பிக்கின்றேன். பழையது புதியது என பல்வேறு ஹாலிவூட் திரைப்படங்களின் விமர்சனமும் இங்கு இடம் பெற இருக்கின்றது என்பதை அறியத்தருகின்றேன்.

எனது மற்றய வலைப்பதிவான தமிழ் வலைப்பதிவில் இருக்கும் ஹாலிவூட் திரைப்பட விமர்சனங்களை முதற்கட்டமாக இங்கே நகர்த்துகின்றேன். பின்னர் புதியதாக எழுதும் விமர்சனங்கள் இங்கேயே இடம்பெறும்.

ஹாலிவூட் திரைப்படங்கள் முதல் ஹாலிவூட் கிசு கிசு வரை எழுதுவதாக உத்தேசம்.......என்ன உங்களிற்கு சம்மதம் தானே???? ஆம் என்றால் இன்னும் என்ன தயக்கம் வாங்க ஹாலிவூட் போகலாம்!